اسلام آباد۔ 25 دسمبر (اے پی پی) وزیر ءِ مملکت اھوالکاری ءُُ شنگ کاری ءُُ راجی مڈی مریم اورنگزیب ءَ عیسائی برات آناں کرسمس ءِ وشیں روچ ءَ مبارکی پیش کنان ءَ گوشت کہ عیسائی برات پاکستان ءِ لائک ءِ توسیپی شہری مردم انت، پاکستان ءِ برجائی ءُُ جوڑیشت ءَ عیسائی برات آں راجدپتری کرد پیلو کتگ، گور پاکستان ءِ جوڑیشت ، دیمروئی ءُُ سالمی ءِ واستہ لائک ءِ توسیپی کرد پیلو کنگ ءَ انت، مارا دُرستاں یکجاہ بوھگ ءُُ پاکستان ءِ دُژمن آنی پندل آناں سہرا کنگی اِنت، حضرت عیساء ءَ گوں بندوک بوھگ ھمک مسلمان ءِ ایمان ءِ بھر اِنت، ھمے رد ءَ عیسائی آنی شرپ ءُُ ازت کنگ ءِ ھاسیں ریشگ ءِ است، مسلم لیگ (ن) ءِ حکومت گور آناں پیسلہ کنگ ءُُ دیمروئی ءِ گام آں گوں ھمگام کنگ ءَ دل یکیمی دار ایت۔ ددشمبے ءَ کرسمس ءِ موہ ءَ وتی کلوہ ءِ تہ ءَ آئی ءَ گوشت کہ دین اسلام گور آنی شرپ ءُُ ازت کنگ ءِ سبک ءَ دنت، حضرت عیسی ءَ گوں محبت ، دل یکیمی ءُُ آئی ءِ شرپ اسلام ءِ بنیاتی یکیم ءِ تہءَ ھوار اِنتت، حضرت عیسی ءَ گوں بندوک بوھگ ھمک مسلمان ءِ ایمان ءِ بھر اِنت، ھمے رد ءَ عیسائی آں گوں شرپ کنگ ءِ ھاسیں رشتہ ءِ است، آئی ءَ گوشت کہ اللہ ءِ گڈی نبی حضرت محمد صلی اللہ علیہ وسلم ءِ وش نند ءُُ نیاد گوں گور آں پراھ ءُُ شائیگانیں درور اِت۔
