اسلام آباد۔ 24 دسمبر (اے پی پی) مزن وزیر شاہد خاقان عباسی ءَ روسی فیڈریشن ڈوما ءِ چیئرمین وچے سلیف ولودین ءَ وتی ٹولہ ءِ ھمبراہ اسلام آباد ءَ گند ءُُ نند کت ۔ اے موہ ءَ سپیکر راجی اسمبلی سردار ایاز صادق، چیئرمین بی آئی ایس پی ماروی میمن، باسک قومی اسمبلی مخدوم خسرو بختیار ءُُ کلانہ ایں اپسرگ ھم گند ءُُ نند ءَ ساڑی اتنت۔ ڈوما ءِ چیئرمین ءِ پاکستان ءَ آیگ ءِ پد ءَ مزن وزیرشاہد خاقان عباسی ءَ آرا وش اتک گوشت۔ اے موہ ءِ سر ءَ مزن وزیر ءَ گوشت کہ پاکستان روس ءِ فیڈیشن ءِ گوما وتی یکوئی آناں سک با زارزشت دنت۔ آئی ءَ گوشت کہ پاکستان ءِ تجارت ءُُ ھاٹیگ ءِ شوبگ ءَ ھوار توامیں شوبگ آنی تہ ءَ روس ءِ گوما یک دراج بُریں شریکداری ءِ لوٹ ایت۔ مزن وزیر ءَ گوشت کہ دوئیں ملک آنی نیام ءَ تجارتی کساس گیش ودینگ ءُُ دو نیمگی اقتصادی یکوئی ءَ را مھکم کنگ ءِ واستہ موہ است اِنت۔
