اسلام آباد۔ 24 دسمبر (اے پی پی) صدر مملکت ممنون حسین ءَ گوشت کہ پاکستان، ایران، چین ، ترکی، روس ءُُ اوگانستان انچیں ھمساھگیں ملک اَنت، کہ ایشانی دوستی سرڈگار، یکجائی ھاٹیگ ءُُ ھیال ءُُ ایشانی الس ءِ واستہ یکجائی ءَ کار کنگ ءِ پراھ ءُُ شاھیگانیں موہ پُجارین ایت، مئے سرڈگاری شرنگی راجپتر ءِ تہءَ نمران بوھگ ءِ بستار ءَ دار ایت، ناشرکاری یک ٹوھیں جیڈھ اِت ایشی ءَ پڑ ءِ بازیں ملک آنی واستہ جیڈھ پیداک کتگ، پاکستان ایشی ءَ چہ دُرستاں گیش آماچ بوتگیں ملک آں چہ یک اِت، ناشرکاری ءَ گوں گر ءُُ چیل بوھگ ءَ مئے اُرد سک باز بلدکار اِنت ایشی ءَ چہ مئے نزیک ءِ ملک ھم پائیدگ چست کت کناں، اے رد ءَ ما وتی توامیں دوستیں ملک آنی گوما ساپ دلی ءَ کمک ءِ پیشگوشی ءَ کنان۔ یک شمبے ءِ روچ ءَ 6ملک آنی اولی سپیکر کانفرنس ءَ ھاسیں مہمان ءِ بستار ءَ گشتانک دیان ءَ صدر ءِ مملکت ءَ گوشت کہ پڑ ءَ ارزشتی ایں دوست ءُُ براتیں ملک آنی اسپیکر آنی میزبانی منی واستہ لائک ءِ شرپ اِنت۔ من اسلام آباد ءِ وشیں موسم ءَ گوں دل ءِ جھلانک ءَ شمے دُرستانی وش اَتک ءَ کناں۔
