کراچی۔ 23 دسمبر (اے پی پی)مزن وزیر شاہد خاقان عباسی ءَ گوشت کہ پاکستان ھمساھگیں ملک آنی گوما بچگ ءِ واستہ ایمنی ءُُ ایمنیں رابطہ ءِ سرءَ دل یکیمی دار ایت۔ ایمنی ءِ برجائی ءِ ھاترا پاکستان ءِ واھشت آناں ھمزور پھمگ مہ بیت، پاکستان ءِ اِچ دو تل ءُُ دو پوستی جزم نیست پدا ھم پٹ ءَ اِچ کس ءِ چیریں جزم دو تل ءُُ دو پوستی ءَ را منگ نہ بیت، پاکستان ءِ سلاھ بندیں اُرد کجام ھم بیم ءُُ ترس ءَ گوں گر ءُُ چیل بوھگ ءِ واستہ تیار اِنت، پاکستان میاں اوستمانی تک ءِ بنی آدم آنی دیم ءَ سر ءَ چست کنت ءُُ مُدامیگیں واستہ برجا مانیت، پڑ ءِ مردم دیمروئی ءُُ وشھالی لوٹ ایت، ملک ءَ دیمپانی ءُُ راجی سلامتی ءَ پاک بحریہ جوانیں رنگ ءَ کرد پیلو کنگ ءَ اِنت، پاکستان اے وھد ءَ مھکمیں پنجگ آنی تہ ءَ اِنت۔ آ شمبے ءِ روچ ءَ ادا پاکستان نیوال اکیڈمی ءَ 108یک سد ءُُ ھشتمی مڈشپ مین ءُُ 17ھپتدھمی شارٹ سروس کمیشن کورس ءِ کمیشننگ پریڈ ءَ ھاسیں مہمان ءِ بستار ءَ ھیالانی درشانی کنان اَت۔ ایشی ءَ سرجمی ءَ 129اپسرگ پاس آؤٹ بنت۔ پاس آؤٹ بوھوکیں 26اپسرگ آں ھوار 57پاکستانی وھدیکہ سعودی عرب، بحرین ءَ ھوار براتیں ملک آنی 46 اپسرگ ھم ھوار اَنت۔ اے ملک آنی تہءَ بحرین، اردن، قطر، مالدیپ ءُُ سعودی عرب ھوار اَنت۔ مراگش ءَ لیفٹننٹ سہیل کاظم ءَ را قائد اعظم گولڈ میڈل، مڈشپ مین سید ارتضیٰ حیدر نقوی ءَ را ’’اعزازی‘‘ شمشیر وھدیکہ اپسرگ کیڈٹ دایان احمد ءَ را چئیرمین جوائنٹ چیفس آف اسٹاف کمیٹی گولڈ میڈل ءِ داد دیگ بوت۔
