اسلام آباد۔ 23 دسمبر (اے پی پی) پاکستان ءِ جوڑیشت کار قائد اعظم محمد علی جناح ءِ 142سالروچ روایتی رنگ ءَ باندار دو شمبے ءَ برجم دارگ بیت، آئی ءِ سالروچ ءَ سرجمیں ملک ءَ لس چھٹی بیت۔ وزارت ءِ اھوالکاری ءَ اے سال ءَ قائداعظم ءِ پیداک بوھگ ءِ پد ءَ رھشون ءِ ٹائٹل ءِ نام ءَ برجم دارگ ءِ پیسلہ کتگ۔ قائداعظم محمد علی جناح ءِ سالروچ ءِ درگت ءَ ھاسیں مراگش برجم دارگ بیت، ٹی وی ءُُ اھوالتاک آنی تہ ءَ ھاسیں مراگش ٹیلی کاسٹ شنگ ءُُ تالان کنگ بیت۔ وانگ جاھ آنی تہ ءَ قائد ءِ ویژن ءُُ آئی ءِ ازمت آنی سرءَ چمشانک دیگ ءِ ھاترا ھاسیں مراگش ، سیمینار، سول ءُُ تران، نماش ءُُ شو برجا کنگ بیت، روچ ءِ بندات ءَ رھشون ءِ واستہ قرآن وانی کنگ بیت وھدیکہ مزار ءِ سر ءَ گاٹ آنی مٹ ءُُ بدلی مراگش کنگ بیت، المی ایں سرکاری ماڑی آنی سرء۔ راجی بیرک بُرز کنگ بیت، اے روچ ءَ را جوانیں رنگ ءَ برجم دارگ ءِ مول ءُُ مراد ورناآنا قائداعظم ءِ لیکہ آں چہ سرپد کنگ اِنت۔
