کراچی۔ 22 دسمبر (اے پی پی) مزن وزیر شاہد خاقان عباسی ءَ گوشت کہ پاکستان مسلم لیگ (ن) ءِ حکومت ءَ ملک ءَ ھاٹیگ لکا ءَ را مٹ کتگ، پاک عرب پائپ لائن کمپنی لمیٹڈ وائٹ آئل موٹر گیسولین پائپ لائن پراجیکٹ ناں ایوک ءَ اکسی ارزشت ءِ بستار ءَ دار ایت بلکینگ ءَ پاکستان ء، ھاٹیگ ءُُ سلامتی ءِ ھم اے مزنیں بستار ءِ دار ایت، منصوبگ ءَ چہ کارمردم کنوک آناں کمو وھد ءُُ پاس آنی تہ ءَ پٹرول ءِ چیز الکاپی ءَ رس اَنت، منصوبگ ءَ چہ ٹرانسپپورٹر آناں اِچ وٹیں پگر کنگ ءِ ضلورت نہ اِنت، ٹرانسپورٹرز مرچی ءُُ آیوکیں وھد ءَ ھم ھاٹیگ ءِ شنگ ءُُ تالانی ءَ سرین ءِ ھڈ ءِ بستار ءَ دار ایت۔ اے ھیالانی درشانی آئی ءَ آدینگ ءِ روچ ءَ ادا پورٹ ءِ قاسم ۔ عرب پائپ لائن کمپنی لمیٹڈ وائٹ آئل موٹر گیسولین پائپ لائن پراجیکٹ منصوبگ ءِ بُن ھشت ءِ ایر کنگ ءِ مراگش ءَ گشتانک دیان ءَ کت۔ اے منصوبگ پارکو، پی ایس او ءُُ شیل جائنٹ وینچر ءِ چیر دستی ءَ سرجم کنگ بیت، منصوبگ ءِ چیر دستی ءَ 26 انچ ’’قطر‘‘ ءِ 786کلومیٹر دارج بُریں پائپ لائن ءِ وسیلگ ءَ کراچی ءِ نزیک ءَ پورٹ قاسم ءَ چہ مظفر گڑھ ءِ نزیک ءَ محمود کوٹ ءَ تاں پٹرولیم ءَ چہ جوڑ بوتگیں چیز آنی شنگ ءُُ تالانی کنگ بیت۔ پائپ لائن ءِ کشک ءَ سئے پمپنگ سٹیشنز ءُُ پورٹ قاسم، شکارپور ءُُ محمود کوٹ ءَ ٹرمینلز سٹیشن جوڑ کنگ بیت، اے پائپ لائن ءِ بنداتی شنگی 8 ملین ٹن ھمک سال اِنت ایشرا رند ءَ ضلورت آنی رد ءَ 12 ملین ٹن ءَ تاں ودینگ بوت کنت۔ اے منصوبگ ءَ چہ 2 لکھ 21 ہزار ٹن گیشیں ھاٹیگ سٹرٹیجک امبار کنگ ءِ زور گیش کنگ بیت ایشی ءَ چہ ھاٹیگ ءِ پُجاری ءَ را گیش سالمی ءُُ رکھگ رسیت۔ منصوبگ ءِ سرجمی ءَ چہ پد نظام ءَ 2لکھ 98ہزار ٹن ھاٹیگ بُنزیاھ کنگ ءِ گنجاھش بیت۔
