فیصل آباد۔21 دسمبر(اے پی پی )حکومت پنجاب ءِ پنت ءُُ شون ءِ سر ءَ ضلعی انتظامیہ ءِ چیر دستی ءَ یوم قائد ءِ مستریں مراگش25 دسمبر ءَ ڈپٹی کمشنر کمپلیکس ءَ برجم دارگ بیت ، ایشی ءِ تہءَ پاکستان ءِ جوڑیشت کار قائداعظم محمد علی جناح ءِ ازمت آناں جوانیں رنگے ءَ توسیپ ءُُ ساڑا پیش کنگ بیت۔ اے گپ ڈپٹی کمشنر سلمان غنی ءِ پنت ءُُ شون ءِ سرءَ ڈی سی کارگس ءَ ایڈیشنل ڈپٹی کمشنر (جنرل) خالد مسعود فروکہ ءِ چیر دستی ءَ دیوان ءِ ساھت ءَ گوشگ بوتگ ایشی ءِ تہ ءَ اسسٹنٹ کمشنرز، وانگ ءُُ زانگ، جان سلامتی، سوشل ویلفئر،سول ڈیفنس،پی ایچ اے ،میونسپل کمیٹی،ضلع کونسل،میونسپل کارپوریشن ءُُ ایندگہ محکمہ آنی اپسرگ ھم ساڑی اتنت۔ دیوان ءِ سروک ءَ گوشت کہ ضلع ءَ قائد اعظم محمد علی جناح ءِ پیداک بوھگ ءِ روچ ءِ مراگش ءَ را جوانیں رنگے ءَ برجم دارگ ءِ ھاترا پروگرام جوڑ کنگ بوتگ۔ اے رد ءَ سیادی داروکیں محکمہ آناں زمہ واری دیگ بوتگ۔ آئی ءَ گوشت کہ توامیں سرکاری ماڑی آنی سرءَ لائٹنگ ءَ ابید پرائیویٹ بلڈنگزآناں ھم وش رنگی ءَ گوں سمبھینگ ءِ واستہ گامگیج کنگ بوھگ ءَ اِنت۔
