اسلام آباد۔21دسمبر(اے پی پی) راجی اسمبلی ءِ اسپیکر سردار ایاز صادق ءَ گشتگ کہ پاکستان براتیں اسلامی ملک اومان ءِ گوما وتی سیادی ءَ را سک باز ارزشت دنت۔ آ اومان ءِ سفیر الشیخ محمد احمد المرہون ءَ گوں گندءُ نند ءِ وھدءَ ھیال ءُ لیکہءِ درشانی ءَ کنگءَ بوتگ کہ آھاں راجی اسمبلی سیکرٹریٹ ءِ تہا پنچ شمبے ءِ روچءَ گند ءُ نند کتگ۔ گندءُ نندءِ تہا پاکستان ءُ اومان ءِ نیامءَ دونیمگی سیادی ءُ دونیمگی ھدوکی ءِ ھاسیں کارانی سرءَ ھیالءُ لیکہ ءِ درشانی کنگ بوتگ۔ اے موھءِ سرءَ راجی اسمبلی ءِ اسپیکر ءَ گشتگ کہ پاکستان براتیں اسلامی ملک اومان ءِ گوما وتی سیادی ءَ را سک باز ارزشت دنت۔ پاکستان دراھیں ملک آنی گوما سیادی ءَ را مزن گسی تکءَ ترندءُ مھکم کنگءِ واھشت مند اِنت۔ سردار ایاز صادق ءَ گشتگ کہ دمگی دیمروئی ءَ ھوار دگہ ھاسیں پڑآنی تہا پاکستان اومان ءِ گوما کمکءَ را گیش کنگ لوٹ ایت۔ اومانءِ سفیر ءَ گشتگ کہ اومان پاکستانءِ گوما سیادی ءَ را مزنیں شرپءُ عزت دنت ، اومان پاکستانءِ گوما مزن گسی نزیکیءَ را گیش کنگ لوٹ ایت۔
