مارا چے پیسرءَ ایچ حکومتءَ را اے واک نہ بوتگ ، فاٹا اصلاحات بل مسلم لیگ(ن) ءِ واھشت اِنت، اے کارءِ شاباشی دگہ کسءَ را دیئگ نہ بیت، سیفرانءِ بجاھی وزیر لیفٹیننٹ جنرل (ر) عبدالقادر بلوچ

اسلام آباد۔21دسمبر(اے پی پی ) سیفرانءِ بنجاھی وزیر لیفٹیننٹ جنرل (ر) عبدالقادر بلوچءَ گشتگ کہ فاٹا اصلاحات بل مسلم لیگ(ن) ءِ واھشت اِنت ءُ اے شاباشیءَ را دگہ کسءَ را دیئگءَ نیل اَنت، یک انچیں جیڑھ اِت کہ مردماں ایشی ءَ را شموشتگ، 70سال ءَ پد مئے حکومتءَ ایشی ءِ سرءَ کار بندات کتگ، فاٹا اصلاحات ءِ25نکاتءِ تہا24نکات ءِ سرءَ تپاک کتگ، تنا یک ٹک ءِ سرءَ شورءُ صلاھ جاری اِنت۔ پنچ شمبے ءِ روچءَ راجی اسمبلی ءِ تہا اپوزیشن ءِ فاٹا انضمام ءِ ھوالگءَ چہ واک آؤٹ کنگءَ پد ھیال ءُ لیکہ ءِ درشانی کتگءُ آئی ءَ گشتگ کہ مارا چہ پیسرءَ بازیں حکومتیں اَتکگ بلے ایچ حکومت ءَ فاٹا ءِ ھوالگءَ اصلاحاتءِ واک ءُ توپیک نہ بوتگ۔ تاں دو سال ءَ مہ ایشی ءِ سرءَ شورءُ صلہ کتگ بلے سرجمی ءَ منگ ءِ ھاترءَ گیش شورءُ صلہ کنگءِ ضلورت مارگ بوتگ۔