اسلام آباد۔21دسمبر(اے پی پی) گوستگیں پنچ سالءِ تہا اسلامی نظریاتی کونسل ءِ نیمگءَ چہ 108سفارشات وزارت کانودءَ را پیش کنگ بوتگ۔ پنچ شمبے ءِ روچءَ راجی اسمبلی ءَ را جُستءُ پُرس ءِ تہا نبشتہ کنگءُ سرپد کنگ بوتگ کہ 2012ءَ تاں 2017ءَ اسلامی نظریاتی کونسل ءِ نیمگءَ چہ 108سفارشات پیش کنگ بوتگ۔ 2016ءِ تہا وزارت کانود ءُ انصاف ءَ را سال 2012-13ءِ ھاترءَ 33سفارشات ءِ یک سالانہ رپورٹ پیش کنگ بوتگ۔ اسلامی نظریاتی کونسل دستورآرٹیکل 230ءِ ردءَ مزن گسءَ را سفارشات کنت۔ اسلامی نظریاتی کونسل ءِ سفارشات ءِ سرءَ عمل درآمد ءِ پیسلہ مزن گس کنت۔
