محکمہ ڈاک ءِ ریونیو ءَ گوازوکیں مالی سال ءِ تہا 2ارب کلدارءِ گیشی بوتگ، وزارت پوسٹل سروسز ءِ راجی اسمبلی ءَ نبشتہ کتگیں پسو

اسلام آباد۔21دسمبر(اے پی پی) محکمہ ڈاک پاکستانءِ ریونیو ءَ مالی سال ءِ تہا کمءُ گیش 2ارب کلدارءِ گیشی بوتگ۔ پنچ شمبے ءِ روچءَ وزارت پوسٹل سروسز ءِ نیمگءَ چہ نبشتہ کتگءُ راجی اسمبلی ءَ را ھال داتگ کہ مالی سال 2016-17ءِ تہا پاکستان پوسٹ ءَ را 11ارب 22کروڑ 64لکھ کلدارءِ امدنی بوتگ وھدے کہ گوازوکیں سال تاں انوں اے آمدن گیش بوتگ ءُ 13ارب کلدارءَ چہ گیش بوتگ۔ پاکستان پوسٹ ءِ گہتریءِ ھاترءَ انوگیں ان لینڈ پوسٹل ٹیرف ءِ تہا گیشی کنگءِ سرءَ چارءُ بچار کنگ بوھگءَ اِنت۔