اسلام آباد۔ 21دسمبر(اے پی پی) ملکءِ صدر ممنون حسین ءَ را چین ، ویتنام ءُ بھارت ءِ سفارکاراں وتی سفارتی کاگد پیش کتگ اَنت۔ اے ھوالگءَ پنچ شمبے ءِ ر وچءَ ایوان صدرءَ مراگش بوتگ کہ صدرءَ را سفارتی کاگد پیش کنوکیں ملکانی تہا چین ءِ سفیر یاؤ جینگ، ویتنام ءِ سفیر فام ہانگ کیم ءُ بھارت ءِ ہائی کمشنر اجے بساریا ھوار بوتگ اَنت۔ سفارتکاراں اے موھءِ سرءَ ملکءِ صدر ءَ گوں جتاھ جتاھ گندءُ نند کتگ۔ صدرءَ گشتگ کہ پاکستان خطہ ءِ تہا امنءُ ایمنی ءُ مھکمی ءُ دیمروئی ءِ ھاترءَ وتی دوستءُ ھمساھگیں ملک آنی گوما دونیمگی سیادی ءَ را گیش ءِ واھشت مند اِنت۔ آئی ءَ گشتگ کہ پاک چین اقتصادی راہداری ءِ منصوبہ تنا پاکستان ءُ چین ءِ دیمروئی ءِ منصوبہ نہ اِنت بلکیں اے منصوبہ سرجمیں خطہ ءِ ھاترءَ گیم چینجر ءِ ارزشت داریت۔ ملکءِ صدر ءَ گشتگ کہ انوگیں حکومت ءِ جوانیں پالیسی آنی سوبءَ پاکستانی معیشت مھکم بوتگ۔ آئی ءَ گشتگ کہ پاکستان زرکاری ءِ ھاترءَ باز جوانیں ءُ گہتریں ملک اِت کہ ایشی ءَ چہ میاں اوستمانی زرکار بازیں پڑاں چہ پاھدگ چست کت کن اَنت۔ اے موھءِ سرءَ ملکءِ صدرءَ سفارت کاراناں مراد بات داتگءُ اے اُمیت ءِ درشانی کتگ کہ دو نیمگی سیادی ءِ گیش کنگءِ ھاترءَ سرجمیں کرد پیلو کنت۔
