کوئٹہ۔ 20دسمبر(اے پی پی)صوبائی تہی کارانی وزیر سرفراز بگٹی ءَ گوشت کہ گلستان ءِ تہ ءَ پولیس ءَ کارروائی کنان ءَ گورنر بلوچستان محمد خان اچکزئی ءِ سرا اُرش ءِ منصوبگ بے سوب کتگ،کارروائیءِ ساھت ءَ 2اُرش کنوک دزگیر،سلاھ ءُُ بمب ءُُ گولہ دست کپتگ،دزگیر یں بیمکاراں چہ سلاھ،وت کشیں جیکٹ ھم دست کپتگ انت ،اے گپ آھاں چار شمبے ءَ کوئٹہ ءَ اھوالکاراں گوں گپ ءُُ تران کنان ءَ گوشتگ انت،اے درگت ءَ ڈی آئی جی کوئٹہ عبدالرزاق چیمہ ھم ساڑی ات۔صوبائی تہی وزیر میر سرفراز بگٹی ءَ گوشتگ کہ اے کارروائی چیریں ھال ءِ سرا کنگ بوتگ،بیم کار گورنر بلوچستان ءِ سرا اُرش کنگ لوٹگ ءَ بوتگ اَنت، دزگیر یں ناشرکارانی سیادی ھما گروپ ءَ گوں دست مانجن اِنت ھما ھاں کہ شجاع خانزادہ ءِ سرا اُرش کتگ بوتگ، دزگیر یں بیمکار آنی تہ ءَ حامد بشیر ءِ سیادی پنجاپ وھدیکہ دومیگ منور احمد گلستان ءِ نندوک انت۔سیکیورٹی ادارگ ءُُ پولیس گیش پٹ ءُُ پول کنگ انت۔
