اسلام آباد ۔ 19 دسمبر (اے پی پی) مزن وزیر شاہد خاقان عباسی ءَ کوئٹہ ءَ بیتھل میموریل میتھو ڈسٹ چرچ ءِ سرءَ بوتگیں ناشرکاری اُرش ءَ را سک باز مذمت گران ءَ آماچیں مردم آنی کمکی پیکیج ءِ جار جت۔ مزن وزیر کارگس ءِ نیمگ ءَ جاڑی بوتگین بیان ءِ رد ءَ 17دسمبر ءِ کوئٹہ ءَ بیتھل میموریل میتھو ڈسٹ چرچ ءِ سرءَ اُرش ءِ نتیجگ ءَ بازیں مردم آنی بیران ءُُ بازیں مردم آنی ٹپیگ بوتگ اَنت۔ مزن وزیر ءِ نیمگ ءَ آماچیں مردم آنی واستہ جاڑی کتگیں کمکی پیکج ءِ رد ءَ ناشرکاری ءِ اے واکیہ ءَ بیران بوتگیں مردم آنی سیاد ءُُ وارسانی واستہ 10لکھ کلدار، سک باز ٹپیگ بوتگیں مردم آنی واستہ 5لکھ کلدار ءُُ ٹپیگ بوتگیں مردم آنی واستہ 3لکھ کلدار ءِ کمک ءِ جار جتگ۔ اے کمکی پیکج صوبائی حکومت ءِ نیمگ ءَ آماچیں مردم آناں داتگیں کمک ءَ ابید بنت۔
