مزن وزیر ئَ را معشیت ئَ پولٹری ئِ شوبگ ئِ کرد، مسلم ملک ئُُ روبرکتی نیامی ملک آنی تہئَ شوبگگ ئِ برآمد کنگ ئِ ازمکاری ئِ بابت ئَ سرپد کنگ بوت
اسلام آباد ۔ 19 دسمبر (اے پی پی)مزن وزیر شاہد خاقان عباسی ئَ وزارت راجی وردن آنی رکھینگ ئُُ پٹ ئُُ پول ئَ را پولٹری ئِ شوبگ ئَ برآمد ئِ دیمروئی ئِ واستہ گامگیج چست کنگ ئُُ اے شوبگ ئِ ھوالگ ڈیوٹیز ئِ بابت ئَ جیڈھ آنی گیواری ئِ واستہ ایف بی آر، وزارت ئِ راجی وردن ئِ رکھینگ، تجارت ئُُ پولٹری ایسوسی ایشن ئِ نماھندگ ئِ کمیٹی جوڑ کنگ ئِ پنت ئُُ شون کت۔ اائی ئَ اے پنت ئُُ شون پاکستان پولٹری ایسو سی ایشن ئِ ڈل ئَ گوں تران کنان ئَ دات اَنت آئی ئَ سئے شمبے ئِ روچ ئَ مزن وزیر کارگس ئَ آئی ئَ گوں گند ئُُ نند کت۔ وزیر برائے راجی وردن ئِ رکھینگ سکندر حیات بوسن ھم اے موہ ئَ ساڑی اَت۔ ڈل ایسو سی ایشن ئِ چیئرمین ڈاکٹر محمد اسلم، ڈاکٹر محمد صادق، میاں جان محمد جاوید، خالد سلیم، ڈاکٹر اشرف حنیف چوہدری ئُُ محمد عرفان میکن ایشی ئِ تہئَ ھوار اتنت۔ سیکرٹری راجی وردن ئِ رکھینگ ئُُ پٹ ئُُ پول ئُُ کلانہ ائیں اپسرگ ھم گند ئُُ نند ئَ ساڑی اتنت۔ ڈل ئَ مزن وزیر ئَ را معشیت ئَ پولٹری ئِ شوبگ ئَ کرد ئُُ ھاسیں رنگ ئَ مسلم ملک ئُُ روبرکتی نیامی ملک آنی تہئَ اے شوبگ ئِ برآمدی ازمکاری ئِ باروا سرپد کت۔ ڈل ئَ شوبگ ئِ ازمکاری ئِ بابت ئَ دیمروئی ئُُ درملکی زر کماھینگ ئِ واستہ پولٹری ئِ پڑ ئَ دیم پہ دیمیں جیڈھ آناں سہرا کت۔ مزن وزیر ئَ سیکرٹری راجی وردنی عکھینگ ئُُ پٹ ئُُ پول ئَ را پاکستان پولٹری ایسوسی ایشن ئِ نیمگ پیش کتگیں شور ئُُ سلاھ آنی چار ئُُ تپاسی ئِ واستہ ئُُ اے شوبگ ئِ برآمد آنی دیمروئی ئِ واستہ گامگیج چست کنگ پنت ئُُ شون کت۔ مزن وزیر ئَ اے ھم پنت ئُُ شون دات کہ پولٹری ئِ شوبگ ئَ ڈیوٹیز ئِ جیڈھ آنی گیواری ایف بی آر، وزارت ئِ راجی وردن ئِ رکھینگ، تجارت ئُُ پولٹری ایسوسی ایشن ئِ نماھندگ آنی کمیٹی یے تشکیل دات۔
