پاکستان ءَ ناشرکاری ءِ ھلاپ ءِ جنگءَ دگہ راجاں چہ گیش انسانی ءُ معاشی نقصان چست کتگ، میاں اوستمانی براتی ءَ را پاکستانءِ قربانی آناں منگ لوٹ ایت، ر اجی سلامتی ءِ صلہ کار لیفٹیننٹ جنرل (ر) ناصر خان جنجوعہ ءِ راجی سلامتی ءِ ھوالگءَ مراگشءَ گوں تران

اسلام آباد۔18دسمبر(اے پی پی) راجی اسمبلی ءِ صلہ کار لیفٹیننٹ جنرل ( ر) ناصر خان جنجوعہ ءَ گشتگ کہ پاکستان ءَ ناشرکاری ءِ ھلاپ ءِ جنگءَ دگہ راجاں چہ گیش انسانی ءُ معاشی نقصان چست کتگ، میاں اوستمانی براتی ءَ را پاکستانءِ قربانی آناں منگ لوٹ ایت۔ آئیءَ اے گپ راجی سلامتی ءِ جیڑھ آنی ھوالگءَ چہ مراگشءَ گوں تران کنانءَ کتگ۔ راجی سلامتی ءِ صلہ کار ءَ گشتگ کہ پاکستان ءَ انسانی جانءُ معاشی ناشرکاری کاری ءِ ھلاپ ءِ جنگءَ باز نقصان چست کتگ ۔ راجی سلامتی ءِ صلہ کار ءَ گشتگ کہ کراچی ءَ سکیورٹی ءِ مچ جاورھال ءِ تہا پدریں گہتری اَتکگ وھدے کہ بلوچستان ءِ تہا جاورھال ھم جوانیءِ نیمگءَ رھادگ اَنت ، بلوچستان ءَ کہ مردم وتاس دور دیئگءَ اَنت آ پاکستان زندگ بات ءِ نعرہ ءَ ھم جنگءَ اَنت ۔ ناصر جنجوعہ ءَ بھارت ءِ گوما پاکستانءِ سیادی ءُ چے وڈءَ آ برصغیر ءَ دگہ راجی دری پالیسیءِ سرءَ اثر کنگ ءَ اِنت ، ایشی ءِ ھوالگءَ ھم گپءُ تران کتگ۔ آئیءَ گشتگ کہ بھارت ھترناکیں سلاھ مُچ کنگ ءَ اِنت کہ جنگ ءِ ھوالگءَ یکوئی ءَ ھترہ ءِ سوب اِنت۔