پاکستان ماحولیاتی جیڑھ آنی ھوالگءَ وتی زمہ واریاں چہ سرپد اِنت ءُ میاں اوستمانی براتی ءِ گومااے ھوار اے جیڑھءُ جنجال ءَ را گرءُ دار کنگءِ ھاترءَ جزمے کتگ، موسمیاتی مٹءُ بدلی بنی آدمءِ ھاترءَ درساں چہ مستریں جنجال اِت
اسلام آباد۔18دسمبر(اے پی پی) مزن وزیر شاہد خاقان عباسی ءَ گشتگ کہ پاکستان ماحولیاتی جیڑھ ءُ جنجالاں چہ سرپد اِنت ءُ میاں اوستمانی براتیءِ گوما ھوار اے جیڑ ھءَ را گرءُ دار کنگءِ ھاترءَ جزمے کتگ۔ آئی ءَ اے گپ دوشمبے ءِ روچءَ ماحولیاتی مٹءُ بدلی ءِ ھوالگءَ چہ سائنس پالیسی کانفرنس ءَ گوں تران کنان ءَ کتگ۔ مزن وزیرءَ گشتگ کہ پاکستان ءَ راجی ماحولیاتی مٹءُ بدلی پالیسی زُرتگ ءُ اے موسمیاتی مٹءُ بدلی ءِ اثراں گرءُ دار کنگءِ ھاترءَ وتی بجٹءِ 8درسد ھم ایر کتگ۔ آئیءَ گشتگ کہ مزن گس ءَ اے ھوالگءَ گامگیج چست کتگءُ راجی موسمیاتی مٹءُ بدلی ءُ راجی موسمیاتی کونسل وڈیں دو ادارگانی جوڈ کتگ ۔ آئیءَ گشتگ کہ حکومتءَ قدرتی آپتاں چہ دیمپانی کنگءِ جزم کتگ۔ مزن وزیر ءَ ھمگرنچیں ھالانی پھجارینگ ءِ ھاترءَ پاکستان محکمہ موحولیات ، پٹءُ پول ءِ ھاترءَ گلوبل چینج ایمپیکٹ سٹڈیز سنٹر ءُ آپتاں چہ دیمپانی کنگءِ ھاترءَ نیشنل ڈیزاسٹر منیجمنٹ اتھارٹی ءِ کردءِ زکر کتگءُ گشتگ کہ موسمیاتی مٹ ءُ بدلی ءِ اثراں کم کنگءِ ھاترءَ زرکاری کنگءِ باز ضلورت اِنت۔ آئی ءَ گشتگ کہ پیسرگیں مزن وزیر محمد نواز شریف ءَ گیش جزم ءِ گوما اے جیڑھ ءِ سرءَ دلگوشی کتگ بوتگ کہ آئیءَ را گیش گشادیں گامگیج چست کنگءِ ضلورت اِنت۔ آئیءَ گشتگ کہ پاکستان پیسرءَ چہ یوروII ڈیزل کارمرز کنگءَ اِنت۔ آئی ءَ گشتگ کہ حکومت سہ جہتی حکمت عملی ءِ سرءَ عمل کنگءَ اِنت کہ آئی ءِ تہا آباتی ءِ رکھینگ، اقتصادی نمو ءِ گیشیءُ نیزگاری ءِ تہا کمی ءُ مالیاتی زمہ واری ءَ پیلو کنگ ھوار اِنت۔ مزن وزیر ءَ اُمیت درشان کتگ کہ اے کانفرنس موسمیاتی مٹءُ بدلی ءِ ھوالگءَ معلوم داری ءُ علم ءِ درشان کنگءِ ھاترءَ زانت کارانی درنیامءَ جوانیں نزیکی ءِ سوب بیت۔
