حکومت ھال درءَ را کسبی کارانی پیلو کنگءِ ھاترءَ ھمک آسراتی ءَ پھجارین ایت، ھال درءِ گلانی نیمگءَ چہ چست کتگیں جیڑھ آنی سرءَ چارءُ بچار کنگ بیت

مزن وزیر شاہد خاقان عباسی ءِ اے پی این ایس ءُ سی این ای ءِ ڈلاں گوں گپ ءُ تران
اسلام آباد ۔18دسمبر(اے پی پی) مزن وزیر شاہد خاقان عباسی ءَ گشتگ کہ حکومت ھال درءَ را کسبی کارانی پیلو کنگءِ ھاترءَ ھمک آسراتی ءَ پھجارین ایت، ھال درءِ گلانی نیمگءَ چہ چست کتگیں جیڑھ آنی سرءَ چارءُ بچار کنگ بیت ۔ آئی ءَ اے گپ آل پاکستان نیوز پیپرز سوسائٹی( اے پی این ایس) ءُ کونس آف پاکستان نیوز پیپرایڈ یٹرز ( سی پی این ای) ءِ ڈلاں گوں گپ ءُ تران کنانءَ کتگ کہ آھاں دوشمبے ءِ روچءَ جتاھ جتاھ گندءُ نند کتگ۔ اے پی این ایس ءِ ڈل سرمد علی، مجیب الرحمن شامی، حمید ہارون، رمیزہ نظامی، مہتاب خان، عمر شامی، وسیم احمد، منیر گیلانی، خوشنود علی خان، جاوید شمسی، ہارون شاہ، سیّد ممتاز احمد، ممتاز طاہر، علی حسن، ہمایوں گلزار ءُ دگہ باسکانی سرءَ بوتگ وھدے کہ سی پی این ایءِ ڈل ءِ تہا ضیاء شاہد، شاہین قریشی، امتیاز عالم، اکرام سہگل، اعجاز الحق، جمیل اطہر، عارف نظامی، ڈاکٹر جبار، وامق زبیری، کاظم خان، انور ساجدی، طاہر فاروق، رحمت رازی، ایاز خانءُ غلام نبی چانڈیو ھوار بوتگ اَنت۔ ڈلءَ ھال در انڈسٹر یءِ بازیں جیڑھءُ جنجالاں چہ سرپد کتگ۔ مزن وزیر ءَ ڈلاناں اوست داتگ کہ ھال درءِ گلانی نیمگءَ چہ چست کتگیں جیڑھءُ جنجالانی سرءَ چار ءُ بچار کنگ بیت۔