کوئٹہ۔ 17دسمبر(اے پی پی)انسپکٹر جنرل پولیس بلوچستان معظم جاہ انصاری ئَ گوشت کہ کوئٹہ ئَ زرغون روڈ ئَ چرچ ئِ سرئَ بوتگیں وت کُشیں تراک کنوک آں اُرش کتگ بلے پولیس ئُُ فرنٹیر کور ئِ وھد ئُُ موہ ئِ سرئَ کاروائی ئِ سبب ئَ یک ناشرکاری ئِ ئَ را چرچ ئِ میں گیٹ ئِ دپ ئَ جنگ بوت ئُُ دومیگ ئَ وتارا تراکینت۔ اے گپ آئی ئَ یک شمبے ئِ روچ ئَ واکیہ ئِ جاھ ئَ چار ئُُ تپاسی گرگ ئَ پد اھوالکاراں گوں تران کنان ئَ کُت۔ اے موہ ئِ سرئَ کشمنر کوئٹہ ڈویژن امجد علی خان، ، فرنیٹر کور ئِ برگیڈیئر تصور ستار ھم ساڑی اَت۔ آئی جی پولیس بلوچستان معظم جاہ انصاری ئَ گوشت کہ چرچ ئِ سرئَ ارش ئِ وھد ئَ چار سد مردم چرچ ئَ ساڑی اتنت وھدیکہ ناشرکار آنی لگوریں اُرش ئَ چہ پنچ مردم بیران ئُُ شانزدھ مردم ٹپیگ بوتگ اَنت۔ آئیئَ گوشت کہ چرچ ئَ زالبول ئُُ زھگ آں ھوار چار سد مردم آناں بحفاظت کش ھگ بوتگ ئُُ سیکورٹی فورسز آں چرچ ئَ را کلیئر کتگ وھدیکہ کوئٹہ ئَ سرچ آپریشن جاڑی اِنت۔ انسپکٹر جنرل پولیس معظم جاہ انصاری ئَ گوشت کہ اگاں پولیس فرنٹیر کور ئِ ورنا وھد ئِ سرئَ کاروائی مہ کن اَنت گڈا گیشاں چہ گیش تاوان ئِ تُرس بوتگ اَت۔
