کوئٹہ۔ 17دسمبر(اے پی پی)کوئٹہ ئَ ناشرکاری آنی لگوریں کاروائی زرغون روڈ امداد چوک ئِ نزیک ئَ چرچ ئِ سر ئَ بوتگیں اُرش ئَ چہ پنچ مردم بیران ئُُ شانزدھ مردم ٹپیگ بوتگ اَنت۔ سیکورٹی فورسز آنی وھد ئِ سرئَ کاروائی ئَ چہ دو ناشرکاری جنگ بوتگ۔ سرجمیں ھال آنی رد ئَ کرسمس ئِ بابت ئَ کوئٹہ ئِ میتھو ڈسٹ چرچ ئَ دعا لوٹگ ئِ مراگش جاڑی اتنت کہ ناشرکار آناں اُرش کت۔ چرچ ئِ سر ئَ ناشرکاری اُرش ئُُ تیر گواری ئَ چہ پنچ مردم بیران ئُُ شانزدھ مردم ٹپیگ بوتگ اَنت۔ واکیہ ئِ ھال سر بوھگ ئَ چہ پولیس ئُُ فرنٹیر کور ئِ کارندہ موہ ئِ سر ئَ پُج اِتنت ئُُ ٹپیگ آناں سول ہسپتال کوئٹہ ئَ روان دات اَنت آھودا آواناں ٹراما سینٹر ئَ الاج کنگ بوھگ ئَ اِنت وھدیکہ اُرش ئَ چہ پد کوئٹہ ئِ سرجمیں ہسپتال ئَ ایمرجنسی جنگ بوتگ۔ پولیس ، فرنٹیر کور ئُُ کانود ئَ را مھکم داروکیں ادارگ آں چرچ ئَ را کلئیر کنان ئَ توامیں مردم آناں بحفاظت در کت ئُُ کوئٹہ ئَ سرچ آپریشن ئِ بندات کت۔
