ناشرکاری ءِ ھلاپ ءَ جنگ ءَ سرجمیں راج یک مُشت اِنت ءُُ ایشی ءَ گوں دیم پی دیمی ءِ واستہ جزمیگ اِنت، مزن وزیر
اسلام آباد ۔ 17 دسمبر (اے پی پی) مزن وزیر شاہد خاقان عباسی ءَ کوئٹہ ءَ چرچ ءِ سرءَ بوتگیں اُرش ءَ را مذمت گپتگ ءُُ گوشتگ کہ ناشرکاری ءِ ھلاپ ءَ جنگ ءَ سرجمیں راج یک مُشت اِنت ءُُ ایشی ءِ گوما دیم پہ دیمی ءَ جزمیگ اِنت۔ یک شمبے ءَ ادا جاڑی بوتگیں بیان ءِ تہءَ مزن وزیر ءَ وھد ءِ سرءَ کاروائی کنگ ءِ پد ءَ سیکورٹی ادارگ آنی ساڑا کت۔ مزن وزیر ءَ گوشت کہ کوئٹہ ءَ چرچ ءِ سر ءَ اُرش لائک ءِ مُذمت اِنت۔ ناشرکاری ءِ ھلاپ ءَ جنگ ءَ سرجمیں راج یک مُشت اِنت ءُُ ایشی ءِ گوما دیم پہ دیمی ءِ واستہ ٹوھیں جزم ءِ دار ایت۔ مزن وزیر ءَ آماچیں مردم آں گوں دلی دلپدردی ءِ درشان کت ءُُ ٹپیگ آنی زوت جان دُراھی ءِ واستہ دُعا ءِ نیک کت۔
