اسلام آباد ۔ 17 دسمبر (اے پی پی)بُنجاھی وزیر توکی کار پروفیسر احسن اقبال ءَ کوئٹہ ءَ چرچ ءِ سرءَ بوتگیں اُرش ءَ را ایراد گران ءَ گوشت کہ ناشرکار آنی سرجمی ءَ ھلاسی ءِ ھاترا جنگ جاڑی دارگ بیت۔ یک شمبے ءِ روچ ءَ وتی بیان ءِ تہءَ وزیر ءِ توکی کار ءَ گوشت کہ ناشرکارآنی نیمگ ءَ چرچ ءَ ءَ نشانگ بندگ ءِ واکیہ بُزدلی ءُُ اپسوزی اِنت، ملک دُژمن پاکستان ءَ ناچاکی ءُُ بے ایمنی تالان کنگ لوٹ اَنت۔ وزیر ءِ توکی کار ءَ گوشت کہ اسلام مارا ایندگہ نیک راھی مردم آنی نیک راھی بُنزیاھ ءُُ زیارت آنی شرپ ءُُ ازت ءِ سبک ءَ دنت۔ پاکستان ءَ ایندگہ دین ءُُ نیک راھ آنی پاسپانی ءُُ رکھینگ سرجمیں راج ءِ پرز ا،نت۔ آئی ءَ اے جزم ءِ درشان کت کہ ناشرکار آں گوں جنگ آوانی سرجمیں ھلاسی ءَ چہ جاڑی دارگ بیت۔
