دیمروئی کتگیں ملک آنی وشھالی ءُُ وشنامی وانگ ءُُ زانگ ءِ سر ءَ اِنت، دو سال پیسر نواز شریف ءِ کتگیں سوگند مرچی پیلو کنگ بوتگ
کسٹ وومن کیمپس کوہاٹ ءَ گوں مزن وزیر ءِ تران
پشاور۔ 16دسمبر( اے پی پی) مزن وزیر شاہد خاقان عباسی ءَ گوشتگ کہ ملک ءِ دیمروئی ءِ ھاترا جوانیں وانگ ءُُ زانگ بُنکی شرت اِنت، دیمروئی کتگیں ملک آنی وشھالی ءُُ وشنامی وانگ ءُُ زانگ ءِ سر ءَ اِنت اے ھیالانی درشانی آئی ءَ شمبے ءِ روچ ءَ کوہاٹ یونیورسٹی آف سائنس اینڈ ٹیکنالوجی وومن کیمپس ءِ بنگیجی مراگش ءَ گوں تران کنان ءَ کتگ، اے موہ ءَ خیبر پختونخوا ءِ گورنر ظفر اقبال جھگڑا ، راجی اسمبلی اسپیکر مرتضیٰ عباس، مزن وزیر ءِ مشیر امیر مقام ، پیسریگیں سینیٹر عباس خان افریدی، ایچ ای سی ءِ چیرمین ءُُ کسٹ یونیورسٹی ءِ وائس چانسلر ھم ساڑی بوتگ اَنت، مزن وزیر ءَ گوشتگ کہ مسلم لیگ نون ءِ سروک ءُُ پیسریگیں مزن وزیر محمد نواز شریف ءَ دو سال پیسر کسٹ وومن کیمپس ءِ سوگند کتگ بوتگءُُ آئیءَ را وشی اِنت کہ مرچی ھما سوگند پیلو کنگ بوتگ۔
