شاہد خاقا ن عباسی ءَ کوہاٹ مزن شاہ دربرجاھآف سائنس ءُ ٹیکنالوجی ءِ وویمن کیمپس ءِ بُن اِشت ایر کتگ
کوہاٹ ۔ 16دسمبر(اے پی پی ) مزن وزیرءَ کوہاٹ ءَ سرائے کھمبیلا ، کوہاٹ دگ ءَ را دو راھ کنگ ءِ منصوبہ آنی بُن اِشت ایر کتگ ، شاہد خاقا ن عباسی ءَ کوہاٹ مزن شاہ دربرجاھ آف سائنس ءُ ٹیکنالوجی ءِ وویمن کیمپس ءِ بُن اِشت ایر کتگ ۔ شمبے ءِ روچءَ مزن وزیر شاہد خاقان عباسی ءَ وتی کوہاٹ ءِ ترءُ تاب ءِ موھءِ 128کلومیٹر دراج بھریں سرائے کھمبیلا ، کوہاٹ سیکشن ءُ 73کلومیٹر پنڈی گھیپ کوہاٹ دگءَ را دو راھ کنگءِ منصوبہ آنی بن اِشت ایر کتگ۔ 128کلومیٹ دراج سرائے گھمبیلا ، کوہاٹ سیکشن ءِ سرءَ 22ارب کلدار وھدے کہ 73کلومیٹر پنڈی گھیپ کوہاٹ دگ ءَ را دو راھ کنگءِ منصوبہ ءِ سرءَ 10ار ب کلدار کیئت ءُ اے منصوبہ دوسالانی تہا سرجم بنت۔ مزن وزیرءَ ترءُ تابءِ وھدءَ 98کروڑ کلدار ءِ ھرچءَ چہ کوہاٹ مزن شاہ دربرجاھ آف سائنس ءُ ٹیکنالوجی ءِ وویمن کیمپس ءِ بُن اِشت ایر کتگ۔
