راج اے پی ایس ءِ شہیدءُ آھانی ھانداناں دائمءَ یات کنت ، ملکءِ صدر ممنون حسین ءِ آرمی پبلک وانگ جاھ پشاورءِ شہیدآناں داد ءُ سلام

اسلام آباد ۔ 16دسمبر(اے پی پی) ملکءِ صدر ممنون حسین ءَ آرمی پبلک وانگ جاھ پشاورءِ شہیدآناں داد ءُ سلام پیش کتگءُ گشتگ کہ راج اے پی ایس ءِ شہیدءُ آھانی ھانداناں دائمءَ یات کنت۔ شمبے ءِ روچءَ جاری بیانءِ تہا آئی ءَ گشتگ کہ معصومیں نودربرءُ راھ دربرآنی قربانی ءَ راجءَ وابءَ چہ پاد کتگ ءُ یکجاھ کتگ۔ ملکءِ صدر ءَ شہید نودربرانی آکبت ءُ درجگانی مزنی ءِ ھاترءَ دعا کتگ۔ صدر ءَ گشتگ کہ راج ناشرکار یءِ ھلا پ ءَ جنگ کنوکیں سیکورٹی فورس ءُ پاک فوجءِ قربانی آناں من ایت۔ آئیءَ گشتگ کہ اے پی ایس یک راجی نقصانے ءَ ھوار جزم ءُ سوگند ءِ یک رندے پدا زند کنگ ءِ روچ اِنت۔ صدر ءَ گشتگ کہ اے موھءِ سرءَ راجءِ نامءَ وتی کلوھءِ تہا گشتگ کہ راج جزم بہ کنت کہ ملک ءِ تہا بیم کاری ءُ ناشرکاری ءِ کشک دائمی بند کنگ بہ بیت۔