اسلام آباد۔ 14 دسمبر (اے پی پی) وزیرمملکت برائے اھوالکاری ئُُ شنگ کاریئُُ راجی مڈی مریم اورنگزیب ئَ گوشت کہ قائداعظم محمد علی جناح ئِ سالروچ ئِ مراگش ” مئے سروک ئُُ من آں سروک ئِ پاکستان“ ئِ بُن گپ ئِ گوما راجی جوش ئُُ جوزگ ئُُ براھداری ئَ برجم دارگ بیت۔ آئی ئَ اے گپ پنچ شمبے ئِ روچ ئَ مزن تک ئِ دیون ئِ سروکی ئِ ساھت ئَ تران کنان ئَ گوشت۔ وزیر ئِ مملکت اھوالکاری ئُُ شنگ کاری ئِ سیادی داروکیں کارندہ آناں پنت ئُُ شون دیان ئَ کت کہ سروک ئِ سالروچ ئِ مراگش اے سال ئِ یاتگیر جوڑ کنگ ئَ اِچ رنگ ئِ موہ یل نہ دیاں۔ آئی ئَ ھاسیں رنگ ئَ کانود ئِ سروکی ئُُ کانود ئُُ جمہوریت ئِ پلہ مرزی ئِ بابت ئَ راج ئِ رھشون ئِ ٹوھیں لیکہ ئُُ ھیال آناں سہرا کنگ ئُُ دیمروئی دیگ ئِ ضلورت ئِ سر ئَ زور پر دات۔ وزیر ئِ مملکت ئَ گوشت کہ قائداعظم محمد علی جناح برصغیر ئِ سیاسی سروکی ئِ تہئَ یک جوانیں رنگ ئِ ئَ درپشیت آئی ئَ برصغیر ئِ مسلمان آناں جمہوری ئُُ کانودی کشک ئِ وسیلگ ئَ جتائیں ماتیں وطن ئِ دزگیر کنگ ئِ منزل ئِ در جنگ ئِ لائک جوڑ کت۔ مریم اورنگزیب ئَ گوشت کہ اے مکسد ئِ واستہ قائداعظم ئِ جزم ئُُ جوش بے درور بوتگ، پاکستان ئِ جوڑ کنگ ئَ آئی ئِ کرد بے مٹیں کرد ئَ را ھمک پاکستانی مُدام شرپ ئُُ ازت ئِ نگاہ ئَ چار ایت۔ دیوان ئَ قائداعظم محمد علی جناح ئِ سالروچ ئِ ھوالگ ئَ بازیں شور ئُُ سلاہ ئُُ منصوبگ آنی سرئَ چار ئُُ بچار بوت۔ وزیر ئِ مملکت ئَ قائداعظم ئِ سالروچ ئِ درگت ئَ تیاری آنی کار ئَ را گیش گہتر کنگ ئِ واستہ انتظامی گامگیج آنی ھوالگ ئَ بازیں پنت ئُُ شون ھم جاڑی کت۔
