اسلام آباد۔14دسمبر(اے پی پی) پختونخوا ملی عواملی پارٹی ءِ سروک محمود خان اچکزئی ءَ گشتگ کہ فاٹا ءِ جیڑھءُ جنجالانی گیشءُ گیواری ءِ ھاترءَ یک مزن شاہ آمید گس کونسل جوڈ کنگ بہ بیت، صدر اگاں بہ لوٹ ایت گڈا ایف سی آر ءَ را ھلاس کُت کنت۔ پنچ شمبے ءِ روچءَ راجی اسمبلی ءَ نکتہ اعتراض ءِ سر ءَ محمود خان اچکزئی ءَ گشتگ کہ منی ھوالگءَ گشگ بوھگءَ اِنت کہ فاٹا انضمام ءَ را ایر جنگءَ اُوں، اے منی ھک اِنت، دو روچ پیسر آرمی چیف ءَ گوں سکیں مزنیں ڈلے ءَ گندءُ نند کتگ آئی ءَ گشتگ کہ مئے مرزی ءَ ابید ایچ وڈیں پیسلہ کنگ مہ بیت، قبائلی اُلسءِ مرضی ءَ چہ پیسلہ کنگ بہ بیت۔ آئی ءَ گشتگ کہ فاٹا مزن گسءِ ڈومین نیست۔ فاٹا ءِ اگاں وتی گورنرے بوت اِنت گہتر اَت۔
