اسلام آباد۔14دسمبر(اے پی پی) پاک بحریہ ئِ سروک ایڈمرل ظفر محمود عباسی ئَ را کمانڈر ترکش نیول فورسز وائس ایڈمرل عدنان اُزبال ءَ ترکش آرمڈ فورسز ئِ مزنیں داد” لیجن آف میرٹ آف دی ترکش آرمڈ فورسز“ داتگ، پاک بحریہ ئِ سروک ئَ ترکی ئِ دیمپانی ئِ وزیر نوریتن کینکلی ءُ کمانڈر ترکش جنرل اسٹاف، جنرل ہولوسی اکارئَ گوں جتاھ جتاھ گندءُ نند کتگ۔ پاک بحریہئِ گشگئِ ردئَ ترکش نیول فورس ہیڈ کوارٹرز فورس آں یک مڈاھداریں مراگشے ئِ تہا ایڈمرل محمود عباسی ئَ را ” لیجن آف میرٹ آف دی ترکش آرمڈ فورسز“ئِ دادداتگ۔ پاک بحریہ ئِ سروک ئَ را اے دوھیں فوج آنی درنیامئَ کمک ئَ را گیش کنگئِ ھوالگئَ گپءُ تران بوتگ۔ ایشیئَ چہ پیسر دوھیں فوج آنی سروکانی گندءُ نندئِ تہا دوھیںبراتیں ملک آنی بحری اُردانی درنیامئَ سیادی ئَ را گیش مھکم کنگئِ ھوالگئَ دونیمگی دلچسپی ئِ بازیں کارانی سرئَ ھیالءُ لیکہ ئِ درشانی کنگ بوتگ۔ پاک بحریہ ئِ سروک ئَ ترکی ئِ راجی دیمپانی ئِ وزیر نوریتن کینکلی ءُ کمانڈر ترکش جنرل اسٹاف ، جنرل ہولوسی اکار ئَ گوں جتاھ جتاھ گندءُ نند کتگ۔ اے گندءُ نندانی تہا کسبی کاراں ھوار پاکستانءُ ترکی ئِ درنیامئَ دیمپانی کمک ئِ بازیں پڑآنی سرئَ ھیالءُ لیکہ ئِ درشانی کنگ بوتگ۔ ایڈمرل ظفر محمود عباسی ئَ خطہ ئِ تہا میری ٹائم امن ءُ ایمنی ءُ مھکمی جوڈ کنگئِ ھوالگئَ پاک بحریہ ئِ کرد ءُ کوشستانی سرئَ روژناھی داتگ۔ آئیئَ پاک بحریہ ئِ چیردستی ئَ بوتگیں کثرالقومی مشق امن 17ئِ ھاسیت گوما زکر کتگ ءُ ترکش نیوی ئِ اے مشقئَ را ساڑاتگ۔ ترک عہدگ داراں زِرئِ تہا امنءُ ایمنی، مھکمی ءُ کانودئِ سرئَ عملداری جوڈ کنگئِ ھاترئَ بحری مشق امنءِ واسیلگئَ میاں اوستمانی بحری فوجئَ را یکجاھی جزم ئِ ھاترئَ یکجاھ کنگئِ ھوالگئَ پاک بحریہ ئِ کوشستاناں ساڑاتگ۔ آئیئَ خطہئِ تہا میری ٹائم سکیورٹی ءُ مھکمی ئِ جوڈ کنگئِ ھوالگئَ کولیشن میری ٹائم کمپین پلانءُ زِری ڈونگانی ھلاس کنگئِ آپریشن آنی تہا پاک بحریہ ئِ ھوار بوھگءُ کرد پیلو کنگئَ را ساڑاتگ۔ پاک بحریہ ئِ سروک ئِ اے ترءُ تاب دوھیں ملک ھاس دوھیں بحری فوج آنی درنیامئَ دیمپانی سیادی ءُ بحری کمک ئَ مھکمی ءُ پراھءُ شاھگانی ئِ سوب بیت۔
