اسلام آباد ۔ 14 دسمبر (اے پی پی) صدر مملکت ممنون حسین ءَ گوشت کہ مسلم امہ ءَ فلسطین ءِ تہ ءَ پیدا بوتگیں جاورھال ءِ باز گہتریں پسو داتگ۔ایشی ءِ کمک ءَ گوں فلسطین ءِ جیڈھ گیشنگ ءَ کمک رسیت۔آہاں اے گپ ترکی ءِ دزکش بیوکیں سفیر بابر گرگن ءَ گوں پنچ شمبے ءَ گپ ءُُ تران کنان ءِ گوشتگ انت۔اے درگت ءَ ڈنی کارگِس ءَ ٹوھیں واکدار ساڑی اتنت۔ صدر مملکت ءَ گوشت کہ ترکی ءِ صدر رجب طیب اردوان یک مستریں جوانیں دور گندیں راھشُون انت۔اسلامی کمک گل آہانی راھشُونی ءِ تہ ءَ شریں کرد ادا کنگ انت۔آہاں گوشت کہ مسلم امہ ءِ جیڈھ آنی ہمگرنچ صدر اردوان ءِ موقف باز دلیریں ءُُ گہتر انت۔آہاں گوشت کہ فلسطین ،کشمیر ءُُ روہنگیا ءِ بحران آنی وڈیں معاملہانی تہ پاکستان ءُُ ترکی ءِ گپ ءَ یکوئی انتءُُ دوئیں براتیں ملک وت ما وتی کمک ءَ چہ اے جیڈھانی گیشینگ ءَ جوانیں کرد ادا کنگ انت۔ صدر مملکت ءَ گوشت کہ ترک سفیر صادق بابر گرگن ءَ وتی اِزمت،بود ءُُ حسن اخلاق ءَ گوں پاکستانی آنی دل کٹتگ انت ءُُ ایشانی سفارتی وھد ءُُ پاس ءَ پاک ترک سیادی نوکیں تبک ءَ سر بوتگ۔
