اسلام آباد ۔ 14 دسمبر (اے پی پی) ڈپٹی چیئرمین پلاننگ کمیشن سرتاج عزیز ءَ سوگو اقتصادی دیمروئی ءِ ہدف زورگ ءِ ھاترا اقتصادی دیمروئی ءِ ہدف ءِ زورگ ءِ ھاترا اقتصادی کمک گل ءِ باسک ملکانی نیام ءَ دمگی ءُُ میاں اوستمانی تبک ءِ سرا کمک ءَ را گیش کنگ ءِ سرا زور دیان ءَ گوشت کہ وت مہ وتی بیوپار ءَ را ودکی ءِ ھاترا ریل،بندن ءَ گوں ھواری ءَ نوکیں ٹیکنالوجی ءُُ سائبر رھوت ءِ کارمرزی باز ارزشت دار انت۔ ٹیکنالوجیءِ گہتر کارمرزءَ چہ بیئپار دو ءُُ سئے سال آنی تہ ءَ دواری بیت۔آہاں 28اقتصادی کمک گل ءِ نماھندگ ملکانی 28 می دیمروئی کونسل ءِ دیوان ءِ گڈی روچ ءِ مراگش ءَ وتی گوشتانک ءَ گوشتگ انت۔ آہاں اقتصادی کمک گل ءِ دراھیں باسک استان ءِ نماھندگ ءُُ مندوبین ءَ را پاکستان ءَ آھگ ءِ سرا وش اتک کرتگ۔آہاں گوشت کہ اقتصادی کمک ءِ گل توامیں باسک استان آنی نیام ءَ وت مہ وتی رھوت ءُُ کمک ءِ حاصیں ذریعہ انت،انوگیں دیوان میاں اوستمانی اقتصادی ءُُ زرکاری ءِ ھاترا یک حاسیں سنگ میل ءِ حیثیت دارگ انت۔ ڈپٹی چیئرمین پلاننگ کمیشن سرتاج عزیزءِ گوشگ انت کہ مارا دیوان ءِ نیام ءَ کمک ءِ نوکیں راھ پولگ بنت۔وت مہ وتی بیئپار ءِ ودکی ءِ ھاترا ریل،بندنءَ گوں ھوار نوکیں ٹیکنالوجی ءُُ سائبر راھوت ءِ کارمرز ھم باز المی انت، ٹیکنالوجی ءِ گہتر کارمرزی ءَ چہ بیئپار دو ءَ چہ سئے سالانی نیام ءَ دواری بیت۔13می ای سی او راھشُونی کانفرنس ءِ تہ دمگی امن ءُُ دیمروئی ءَ را درستاں چہ باز ارزشت داتگ انت ہمہ کہ نوکیں دور ءِ ضلورت انت۔ سرتاج عزیز ءَ گوشت کہ وت مہ وتی کمک ءُُ بیئپار ءِ ودکی ءِ ھاترا دراھیں باسک استان تپاک انت۔باسک استان ءَ پجی ءَ میاں اوستمانی جیڈھ آنی ھلاسی کنگی انت۔
