اسلام آباد ۔ 14 دسمبر (اے پی پی)پاک فضائیہ ءِ سروکی ائیر چیف مارشل سہیل امان ءَ گوں منیجنگ ڈائریکٹر پاکستان ٹوورازم ڈویلپمنٹ کارپوریشن چوہدری عبدالغفور خان نءَ گند ءُُ نند کت۔ پی ٹی ڈی سی ءِ دارچین ءِ رد ءَ گند ءُُ نند ءِ ساھت ءَ ایم ڈی پی ٹی ڈی سی چوہدری عبدالغفور خان ءَ گوشت کہ پاکستان ءِ بالی ھد ءُُ ابیل ءِ دیمپانی ءَ پاک فضائیہ ءِ کرد دروری اِنت ءُُ کربانی آں چہ پُر اِنت۔ ملک ءِ دیمپانی ءَ چہ پاکستان ءِ واستہ فضائیہ ءِ دلیریں پائلٹس ءِ بلدی کامیاتی ءِ درور اِنت۔ آئی ءَ گوشت کہ ایوی ایشن ءُُ سیل ءُُ سواد المی اِنت ءُُ ملک ءِ دیمرؤی ءِ رد ءَ مارا پاک فضائیہ ءِ کمک درکار اِنت۔ پاک فضائیہ سیل ءُُ سوادی مراگش ءُُ نماش آنی تہءَ ائیر شو کت کنت۔ وھدیکہ بلتر ءَ ھمک سال اسکینگ ءِ باج برئی ءِ رد ءَ کنائین ایت۔ پی ٹی ڈی سی ءِ نلتر ءَ سئی کنال زمین اَست ایشی ءِ سرءَ ما ٹورسٹ ریزارٹ برجا کنگ ءِ ارادگ ءَ دات آں تانکہ اسکینگ ءِ باج برئی ءُُ سیل ءُُ سوادی مردم آنی آسراتی پُجارینگ بہ بیت ءُُ دمگ ءَ اے پڑ دیمروئی بہ کنت۔ ائیر چیف مارشل سہیل امان ءَ چوہدری عبدالغفور خان ءِ جھد ءُُ کوشست آناں ساڑات ءُُ گوشت کہ پاکستان ءَ سیل ءُُ سواد ءِ برجائی وش اَنتءُُ امیت انت کہ ایم ڈی پی ٹی ڈی سی ءِ سروکی ءَ اے شوبگ ءَ گیش دیمروئی بیت۔ آئی ءَ ھمک رنگ ءِ کمک کنگ ءِ دل یکیمی دات۔
