حکومت ءَ را اِچ بیم نیست، اللہ پاک ءِ فضل ءُُ کرم اِنت حکومت وتی وھد ءُُ پاس ءَ سرجم کنت، سروکیں کانفرنس ءَ پاکستان ءِ تچکیں لیکہ پیش کت، امیت اِنت کہ امریکہ وتی سفارتخانہ ءَ یروشلءَ کنگ ءِ وتی پیسلہ ءِ سر ءَ چار ءُُ بچار کنت
لندن ۔ 14 دسمبر (اے پی پی) مزن وزیرشاہد خاقان عباسی ءَ گوشت کہ حکومت ءَ را اِچ ترس ءُُ بیم نیست، اللہ ءِ فضل ءُُ کرم ءَ چہ حکومت وتی وھد ءُُ پاس ءَ سرجم کنت۔ آئی ءَ اے گپ پنش شمبے ءِ روچ ءَ پاکستان مسلم لیگ (ن) ءِ ٹوھیں سروکی ءَ گوں میٹنگ کنگ ءِ واستہ اِدا اھوالکاراں گوں تران ءَ کت۔ شاہد خاقان عباسی ءَ گوشتگ کہ آئی ءَ را حکومت ءِ پرشگ ءِ اچ بیم نیست، حکومت وتی کانودی وھد ءُُ پاس ءَ سرجم کنت وھدیکہ جون ءَ ادارکی حکومت جوڑ بیت۔ حسن نواز ءِ کارگس ءَ بوھوکیں میٹنگ ءَ پیسریگیں مزن وزیر نواز شریف ، آئی ءِ زھگ مریم نواز، بچ حسن نواز، سروزیر پنجاپ شہباز شریف، درئی کارانی وزیر خواجہ آصف ءَ بھر زوری کت۔ مزن وزیر ءَ گوشت کہ لندن ءِ میٹنگ ءَ چہ پیسرمنوگر بوتگ اَتءُُ ایش یک ھاسیں پیسلہ ءِ کنگ ءِ واستہ نہ بوتگ۔ سپیکر قومی اسمبلی ءِ اے بیان کہ آئی ءَ سمبلی آنی وھد ءُُ پاس سرجم بوھگ ءِ یکیم نیست، ءِ بابت ءَ مزن وزیر ءَ گوشت کہ ایش آئی ءِ زاتی رایہ اِت، اگاں سپیکر ءِ ’’تحفظات‘‘ است گڈا آ ایشانی دور کنگ ءَ تیار اِنت۔ مزن وزیر کہ آ القدس شریف ءِ بابت ءَ او آئی سی ءِ لس دیوان ءَ بھر زوری ءَ پد ترکی ءَ چہ لندن ءَ پج اِتگ، ءَ گوشت کہ آئی ءَ سروکیں کانفرنس ءَ پاکستان ءِ سرجمیں لیکہ پیش کت، امیت اِنت کہ امریکہ وتی سفارتخانہ ءَ یروشلم ءَ جوڑ کنگ ءِ پیسلہ ءِ سرءَ چار ءُُ بچار کنت۔ اے موہ ءِ سر ءَ وزیر ءِ درئی کار خواجہ محمد آصف ءَ میڈیا ءَ گوں تران کت ءُُ گوشت کہ حکومت وتی کانودی وھد ءُُ پاس ءَ سرجم کنت ءُُ مسلم لیگ (ن) یک رند ءِ پد ءَ سروکی ءَ گچین بیت۔ آئی ءَ گوشت کہ آیوکیں گچین کاری ءَ کامیاتی ءَ پد انشاء اللہ حکومت جوڑ کناں۔
