استنبول۔ 13 دسمبر (اے پی پی) وزیراعظم شاہد خاقان عباسی و اردن نا شاہ عبداللہ دوئم ابن الحسین امریکہ نا کنڈآن یروشلم ئِ اسرائیل نا دارالحکومت امنا کننگ و سفارت خانہ ئِ یروشلم آ گدریفنگ نا فیصلہ نا مضمر آتیا گڑتی نا درشانی ئِ کرینو۔ اوداہیت انا درشانی ئِ چارشنبے نادے داڑے او آئی سی بھلا سروک دیوان نا وخت آ اوڑدہی ٹی کریر ۔ ہڑتوم آ راہشونک داہیت آ زور شاغار کہ دا فیصلہ اقوام متحدہ سلامتی کونسل و اقوام متحدہ جنرل اسمبلی نا قرارداد آتا منافی ئِ ، دافیصلہ ئِ یک ئُ نیم ارب آن زیات مسلمانک ہم مسترد کرینو۔ ہڑتوم آ راہشونک ہڑتوم آ کنڈآتا تعلقداری تا اہمیت آ ہم ہیت وگپ کریر۔ وزیراعظم شاہ عبداللہ دوئم ئِ پاکستان نا دورہ نا سلہ خلک۔ وزیراعلیٰ پنجاپ شہباز شریف ، خارجہ سیکرٹری تہمینہ جنجوعہ و ترکی ٹی پاکستان نا سفیر سائرس قاضی ہم اوڑدہی ٹی ساڑی ئسر۔
