بجلی ءِ پدمنتگی ءِ سرءَ گرءُ دار کنگءِ ھاترءَ 500کے وی ءُ 220کے وی ءِ 9گرڈ سٹیشن آنی منصوبہ بندی سرجم بیت، وزارت توانائی

اسلا م آباد۔13دسمبر(اے پی پی) ملکءِ تہا بجلی ءِ پدمنتگی ءَ را گرءُ دار کنگءِ ھاترءَ سرجمیں ملکءَ چہ 500کے ءُ 220کے وی ءِ 9گرڈ سٹیشن آنی منصوبہ سرجم بیت۔ چارشمبے ءِ روچءَ ر اجی اسمبلی ءِ تہا وزارت توانائی ءِ نیمگءَ چہ نبشتہ کتگءُ ھال دیئگ بوتگ کہ گوستیں سئے سالانی تہا ملکءِ تہا لوڈ سنٹرز ءِ سرءَ بجلیءِ بھرءُ بانگءِ ھاترءَ شکارپور ، ڈیرہ غازی خان ، لاہورءَ پنچ پنچ سد وھدے کہ ٹوبہ ٹیک سنگھ ،لورہ لائی، چشتیاں ، گجرات، خضدار ءُ اوکاڑہ ءَ 220کے وی ءِ گرڈ سٹیشن جوڈ کنگ بوتگ اَنت۔ گوازوکیں مالی سالءِ تہا رحیم یار خان، مانسہرہ، نوشہرہ، لالیاں، ڈی آئی خان، چکدرہ ءُ لاہور ءَ نوکیں گرڈ سٹیشن جوڈ کنگ بنت وھدے کہ ایکنک ءَ چہ 08گیش پراجیکٹءِ منظوری گرگ بوتگ کہ آھانی تہا اسلام آباد ءَ 2گرڈ سٹیشن ھوار اَنت۔