اسلام آباد۔13دسمبر(اے پی پی) قومی وطن پارٹی ءِ سروک راجی اسمبلی ءِ باسک آفتاب احمد خان شیر پاؤ ءَ گشتگ کہ ناشرکاری ءِ آس سرجمءَ نہ تُستگ، نیشنل ایکشن پلان ءِ سرءَ سرجمی ءَ عملدرآمد کنگءِ ضلورت اِنت، ڈالر ءِ نیادءِ تہا گیشی ءِ اثر جوان نہ اَنت۔ چارشمبے ءِ روچءَ مزن گسءِ ڈنءَ ھال درءِ گوما گپءُ تران کنانءَ آئیءَ گشتگ کہ ملکءِ تہا تاں انگت ناشرکاری ءِ ھلاس نہ اِنت حکومتءَ را نیشنل ایکشن پلانءِ سرءَ سرجمءَ عملدرآمد کنگءِ ضلورت اِنت تنکہ آئیءِ مول ءُ مراد دست بہ کپ اَنت ءُ ملکءِ تہا امن ءُ ایمنی بہ بیت۔آفتاب احمد خانءَ گشتگ کہ ڈالرءِ نیادءِ تہا گیشی ءَ چہ ملک ءِ وام ھم گیش بنت حکومتءَ را ایشی ءِ سرءَ دلجمی ءَ چارءُ بچار کنگ لوٹ ایت۔
