امریکہ ءِ یروشلم ءَ را اسرائیل ءِ بنجاھی حکومت منگ ءُ سفارت خان کنگءِ منصوبہ میاں اوستمانی کانودءُ سلامتی کونسل ءِ تپاک نامہ ءِ ھلاپ ورزی اِنت، امریکہ وتی پیسلہ ءِ سرءَ چارءُ بچار بہ کنت
استنبول۔13دسمبر(اے پی پی) دری کارانی وزیر خواجہ محمد آصف ءَ گشتگ کہ امریکہ ءِ نیمگءَ چہ یروشلم ءَ را اسرائیل ءِ بنجاھی حکومت منگ ءُ سفارت خان کنگءِ منصوبہ میاں اوستمانی کانودءُ سلامتی کونسل ءِ تپاک نامہ ءِ ھلاپ ورزی اِنت، امریکہ وتی پیسلہ ءِ سرءَ چارءُ بچار بہ کنت، اے امریکہ ءِ اوست مندیں سول ءُ تران ءِ ارزشتءَ مشرق وسطیٰ امنءُ ایمنی عمل ءُ دو ریاستی گیشءُ گیواری ءِ ھاترءَ المی اِنت۔ اے گپ آئی ءَ چارشمبے ءِ روچءَ القدس شریف ءِ ھوالگءَ اسلامی کمک تنظیم ءِ کونسل آف منسٹرز ءِ دیوان ءَ گوں تران کنان ءَ کتگ ۔ خواجہ آصف ءَ گشتگ کہ خطہ ءُ میاں اوستمانی تکءَ مھکمیں امن ءُ ایمنی ءِ ھاترءَ دوریاستی گیشءُ گیواری قابل عمل روڈ میپ اِت کہ آئی ءِ میاں اوستمانی براتی ءَ فلسطینی اُلسءَ گوں سوگند کتگ۔ خواجہ آصفءَ گشتگ القدس اسلام ءِ اولی کبلہ بوتگ۔ آئیءَ گشتگ کہ القدس ءِ ارزشت مٹ کنگءِ کجام ھم کوشست سرجمیں دنیاءِ 1.5ارب مسلمان آنی مارشتاں ژانبالین ایت۔ آئیءَ گشتگ کہ پاکستانی اُلس ءُ حکومت فلسطینی اُلسءِ گوما ھم کوپگ اِنت ءُ مزن گسءَ امریکی پیسلہ ءَ را ایر جنگءِ ھاترءَ تپاکی ءَ گوں تپاک نامہ منظور کتگ۔
