اسلام آباد۔ 13دسمبر(اے پی پی) صدر ممنون حسین ءَ گشتگ کہ پاک چین اقتصادی راہداری ءِ روڈ نیٹ ورک زوت سرجم بیتءُ دنیا ءِ بازیں خطہ آں وت مہ وت ءَ ھم دپ کنت، گوادر پورٹءِ سرءَ بانداتءَ سرجمیں سُرءُ پُر بندات بنت کہ خطہ ءِ وشھالی ءُ دیمروئی ءِ ھاترءَ وتی ھاسیں کردءَ پیلو کنت۔ صدر ممنون حسین ءَ اے گپ پاک چائنا جوائنٹ چیمبر آف کامرس ءِ ڈل ءِ گوما گپ ءُ ترانءِ موھءَ کتگ۔ آئی ءَ گشتگ کہ چینی سنگتانی گوما گندءُ نند کنگءَ باز وشی بوتگ۔ آئی ءَ گشتگ کہ پاکستان چین سنگتی پُشت مہ پشت ءَ جاری بیت۔ صدر ممنون حسین ءَ ڈل ءَ را سرپد کتگ کہ پاکستان ءَ چینی مردمانی سکیورٹی ءِ ھاترءَ ھاسیں سکیورٹی ڈویژن کار کنگءَ اِنت۔ ڈل ءَ حکومت پاکستانءِ نیمگءَ چہ چینی مردماناں پھجارینتگیں سکیورٹی ءِ سرءَ سدّکی ءِ درشانی کتگءُ صدر ءِ شگرءُ منت گپتگ۔ آئی ءَ صدر ءَ پاکستان ءَ چینی زرکاری ءِ معلوم داری ءَ چہ سرپد کتگءُ ھال داتگ کہ بانداتءَ دوھیں ملک آنی درنیامءَ گیش یکجائی منصوبہ بندات کنگ بنت۔
