پاکستان ءِ ھمک شوبگءَ کمک کنگ ءَ تیار آں، چین ءِ ڈپٹی چیف آف مشن چو لائی جیان ءِ گشتانک
کراچی ۔ 12 دسمبر (اے پی پی) بُنجاھی وزیر توکی کار احسن اقبال ءَ گوشت کہ حکومت ءِ جوانیں گامگیج ءِ سبب ءَ ھاٹیگ ءُُ سیکورٹی ءِ جیڈھ آنی سرءَ گر ءُُ داری ءَ چہ ملک دیمروئی ءِ کشک ءَ رھادگ بیت، پاک چائنہ اقتصادی راہداری (سی پیک ) اے کرن ءِ دُرستاں چہ مستریں منصوبگ سہرا بیت، ھمک ملک ءِ دیمروئی ءِ سیاسی برجائی ءُُ پالیشی ءِ رچ بنیاتی کرد ءَ پیلو کن اَنت، آ روچ دور نہ اِنت کہ وھد ءِ گوادر میاں اوستمانی معاشی بُن زیاھ جوڑ بیت، فائیو جی ٹیکنالوجی ءِ وڑی کمرشلائز بیت، ملک ءَ ایشرا لانج کنگ بیت۔ اے ھیالانی درشانی آنی ءَ سئے شمبے ءِ روچ ءَ ھندی ہوٹل ءَ ڈان میڈیا گروپ ءُُ وزارت ءِ منصوبگ ءُُ دیمروئی کار ءِ کمک ءَ ’’چائنا پاکستان اکنامک کوریڈور بزنس اپرچونیٹیز‘‘ ءِ بن گپ ءِ سرءَ برجم داشتگیں کانفرنس ءَ گشتانک دیان ءَ کت۔ احسن اقبال ءَ گوشت کہ ڈن گروپ ءِ شگر ءُ منت وار آں کہ مرچی اے رنگیں کانفرنس ءِ برجم دارگ بوھگ ءَ اِنت، اِچ شک نیست کہ ڈان گروپ ملک ءِ دُرستاں چہ مستریں میڈیا گروپ اِنت۔ آئی ءَ گوشت کہ 2013 ءَ وھد ءِ حکومت ءِ سیٹ ءَ آئی ءِ پارٹی اَتک گڈا آ وھد ءَ ملک ءَ 18چہ 20کلاک ءِ لوڈ شیڈنگ کنگ بوھگ ءَ ات میاں اوستمانی میڈیا پاکستان ءِ بابت ءَ ھال شنگ کنگ ءَ ات کہ ما سنگ آنی زمانگ ءَ واپس روگ ءَ آں، ملکی معشیت بدھالی ءِ آماچ اَت۔ آئی ءَ گوشت کہ نوں جاور سک باز گہتر اَنت کراچی ءَ ایمنی برجا اِنت، مارا سی پیک ءَ چہ گیشاں گیش نپ چست کنگ ءِ موہ رستگ۔ اے موہ ءِ سر ءَ پیسریگیں گورنر اسٹیٹ بینک ڈاکٹر عشرت حسین ءَ گوشت کہ چین پڑ ءَ ارزشتی ایں ملک اِنت ءُُ سی پیک منصوبگ ءَ چہ دوئیں ملک آناں گیشاں چہ گیش نپ ءُُ سیت رسیت۔ آئی ءَ گوشت کہ کمو نہ وشیں مردم ایشی ءِ سرءَ ایراد گری کنگ ءَ انت، آ گوشگ ءَ انت کہ اے منصوبگ پاکستان ءِ واستہ ایسٹ انڈیا کمپنی سہرا بیت وھدیکہ آ اے گپ ءِ سر ءَ اِچ تپاک نہ کنت۔ آئی ءَ گوشت کہ پاکستان ءِ ایکسپورٹ کم کم بوتگ ایش سی پیک ءَ گیش بیت بلکینگ ءَ پاکستان ءِ میاں اوستمانی مارکیٹ ءَ یک جاھے رسیت ءُُ گوادر ءَ چہ کاشغر ءِ روٹ ءِ تہ ءَ ھاسیں رنگ ءَ بلوچستان ءُُ خیبر پختونخوا ءِ پشت کپتگیں ضلع آنی دیمروئی ءَ کمک رسیت ءُُ ادے مردم آنی زند مانی برزئی تبک ءِ مردم آنی رنگ ءَ مٹ بیت۔ آئی ءَ گوشت کہ گوادر پورٹ جوڑ بوھگ ءَ چہ چین ءُُ میاں اوستمانی مارکیٹ ءَ رسائی ءِ بابت ءَ آسانی بیت۔ کانفرنس ءَ گوں ایندگہ گشتانکار آں ھم گشتانک دات۔
