شوگر انڈسٹری ءَ چہ توان ءِ لس پیداک بوھگ ءُُ لائک ءِ مٹ پالیشی 2006ءَ ھوار جتا جتائیں پالیشی آنی سر ءَ سرجمیں چار ءُُ بچار، دیوان ءَ توان ءِ جتا جتائیں دیمروئی منصوبگ آنی سرءَ چار ءُُ تپاسی گرگ بوت
توان ٹیرف ءِ بابت ءَ جیڈھ آنی گیواری ءِ واستہ پالیشی فیرم ورک ءِ تہءَ جوانیں مٹ ءُُ بدلی پجار کنگ ءِ پیسلہ
اسلام آباد ۔ 12 دسمبر (اے پی پی) مزن وزیر شاہد خاقان عباسی ءِ سروکی ءَ سئے شمبے ءَ مزن وزیر کارگس ءَ ھاٹیگ ءِ بابت ءَ کابینہ کمیٹی ءِ دیوان برجم دارگ بوت ایشی ءِ تہءَ وزیر ءِ ھاٹیگ سردار اویس احمد خان لغاری، وزیر ءِ مملکت پٹرولیم جام کمال خان، سیادی داروکیں ڈویژن آنی سیکرٹری، ایم ڈی پی ایس او ءُُ کلانہ ئیں کارندہ آں بھر زوری کت۔ دیوان ءَ شوگر انڈسٹری ءَ چہ توان ءِ لس پیداک بوھگ ءُُ لائک ءِ مٹ پالیشی 2006ءَ ھوار جتا جتائیں پالیشی آنی سرءَ سرجمیں چار ءُُ بچار کنگ بوت۔ دیوان ءِ تہءَ توان ءِ جتا جتائیں دیمروئی منصوبگ آنی سرءَ چار ءُُ تپاسی گرگ بوت، ایش گوات، روچ ءَ چہ در جتگیں ھاٹیگ ءُُ پن توان ءِ منصوبگ ءَ ھوار ملک ءَ جتا جتائیں در آں چہ ھاٹیگ ءِ دزگیر کنگ ءِ ھاترا گامگیج کنگ بوھگ ءَ اِنت۔ دیوان ءَ توان ءِ ٹیرف ءِ باب ءَ جیڈھ آنی گیواری ءِ واستہ استیں پالیشی فریم ورک ءَ جوانیں مٹ ءُُ بدلیی پجار کنگ ءِ پیسلہ ھم کنگ بوت۔ وزیر ءِ توان دیوان ءِ ساھت ءَ پالیشی پیسلہ آنی بابت ءَ (باندا) چار شمبے ءَ پریس بریفنگ ءِ بندات ءَ کنت۔
