وت مہ وتی یکوئی واھگ ءُُ کزبی کارانی ھوار آپی شریکداری ءُُ ’’بحرہند‘‘ ءَ سیکورٹی ءِ جاور ھال آنی سرءَ ھیال ریچی کنگ بوت
اسلام آباد ۔ 12 دسمبر (اے پی پی) پاک بحریہ ءِ سروک ایڈمرل ظفر محمود عباسی ءَ کمانڈر ترکش فلیٹ، وائس ایڈمرل اِرکیومنٹ ٹیٹلی اوگلو ءُُ کمانڈر آف ترکش نادرن ایریا ریئر ایڈمرل (یو ایچ) اسکندر یلدرم ءَ گوں جتا جتائیں گند ءُُ نند کت ایشی ءِ تہءَ وت مہ وتی یکوئی واھگ ءُُ کزبی کارانی ھوار آپی شریکدار ءُُ بحر ہند ءَ سیکورٹی ءِ جاور ھال آنی سر ءَ ھیال ریچی کنگ بوت، پاک بحریہ ءِ سرو ءَ را ترکش فلیٹ کمانڈ ءِ بابت ءَ سرجمیں بریفنگ ھم دیگ بوت، گولکیک نیول شپ یارڈ ءُُ ترکش نیوی ءِ جہاز ہیبیلیادا ءِ تر ءُُ ھم کت۔ دارچین پاک بحریہ ءِ رد ءَ پاک بحریہ ءِ سروک ایڈمرل ظفر محمود عباسی ترکی ءَ سرکاری تر ءُُ تاب ءَ اِنت، ترکش فلیٹ ہیڈ کوارٹرز گولکک بیس ءَ پجگ ءِ پد ءَ کمانڈر ترکش فلیٹ ءَ ایڈمرل ظفر محمود عباسی ءَ را وش اتک کت۔ اے موہ ءِ سرءَ پاک بحریہ ءِ سروک ءَ را شاتکامی سلامی دیگ بوت۔ ایشی ءَ چہ پاک بحریہ ءِ سروک ءَ کمانڈر ترکش فلیٹ وائس ایڈمرل اِرکیومنٹ ٹیٹلی اوگلوءَ گوں گند ءُُ نند کت۔ ایڈمرل ظفر محمود عباسی ءَ پڑ ءَ میری ٹائم ایمنءُُ برجائی ءَ را دل یکیمی جوڑ کنگ ءِ رد ءَ ترکش نیوی ءِ کرد ءُُ ازمت آنی توسیپ کت۔ ایڈمرل ظفر محمود عباسی ءَ گولکیک نیول شپ یارڈ ءُُ ترکش نیوی ءِ جہاز ہیبیلیادا ءِ تر ءُُ تاب کت۔ ترکش نیوی ءِ جہاز ءِ پجگ ءِ پد ءَ ترکش نیوی ءِ ورنا آں ایشرا سلامی پیش کت۔ جہاز ءِ تر ءُُ تاب ءِ ساھت ءَ پاک بحریہ ءِ سروک ءَ بالیگ ءِ کارندہ آنی گوما گپ ءُُ تران کت ءُُ ایشی ءِ کزبی ازمکاری ءَ را ساڑات۔ پاک بحریہ ءِ سروک ءَ گوشت کہ پاکستان ءُُ ترکی ءِ دوستی بے درور اِنت ءُُ سک باز ارزشتی ھم است اِنت ءُُ دوئیں ملک آنی نیام ءَ کمک ءَ را گیش مھکم کنگ ءِ سبب اِنت۔ پاک بحریہ ءِ سروک ءَ کمانڈر آف ترکش نادرن سی ایریا ریئر ایڈمرل (یو ایچ) اسکندر یلدرم ءَ گوں ند ءُُ نند کت۔ گند ءُُ نند ءِ ساھت ءَ وت مہ وتی یکوئی ءُُ کزبی کارانی بابت ءَ ھیال ریچی کنگ بوت۔ پاک بحریہ ءِ سروک ءِ اے تر ءُُ تاب دوئیں ملک ھاسیں رنگ ءَ دوئیں آپی اُرد آنی نیام ءَ آپی شریکی ءُُ دیمپانی یکوئی ءِ تہءَ گیش شائیگانی ءُُ برجائی ءِ سبب جوڑ بیت۔
