ناشرکارانی ھلاپ ءِ جنگءَ گران نیادیں انسانی جانانی قربانی دائمءَ یات کنگ بنت
اسلام آباد۔12دسمبر(اے پی پی) ناشرکارانی ھلاپ ءِ جنگءَ گران نیادیں انسانی جانانی قربانی دائمءَ یات کنگ بنت مزن وزیر شاہد خاقان عباسی ءَ شمالی وزیرستان ءَ پاک فوج ءِ گاڑی ءِ سرءَ اُرشءَ را ایر جتگ، گمیگیں ھانداناں گوں دلپدردی ءِ درشانی کتگ ۔ اے اُرشءِ نتیجگءَ سکینڈ لیفٹیننٹ عبدالمعید ءُ سپاہی بشارت شہید بوتگ اَنت۔ آئی ءَ گشتگ کہ ماتیں وطن ءِ ھاترءَ وتی گران نیادیں جان ندر کتگ اَنت۔ آئی ءَ گشتگ کہ مہ یک راجے ءِ ارزشتءَ ملکءِ دُژمن آنی ھلاپ ءِ جنگءَ گیرت مندیں فوجءِ مزنیں ازمتءَ کدی شموشت نہ کن اَنت۔ مزن وزیرءَ اے گپءِ سرءَ زور پِرداتگ کہ اللہ تعالیٰ ءِ فضل ءُ کرم ءَ چہ سرجمیں ملک ءَ چہ ناشرکاریءِ نیٹ ورک ءَ ھلاس کتگ ءُ پاکستانءَ ناشرکاریءَ را پروش داتگ۔ مہ جنگءَ باج بُرتگءُ انشاء اللہ باز زوت ناشرکار دائمی ھلاس بنت۔
