اسلام آباد۔ 11 دسمبر (اے پی پی) بُنجاھی وزیر تجارت محمد پرویز ملک ءَ گوشت کہ اسلام آباد ءِ واستہ کانود کرایہ داری ءِ مٹ ءُُ بدلی بل ءَ را ستیں حکومت ءِ دور ءُُ باریگ ءَ پارلیمنٹ ءِ کرا پاس کنان ءَ ایشرا کانودی رنگ دیگ بیت تانکہ بُنجاھی دارالحکومت ءِ تاجر برات آنی کوھنیں مھتلیں جیڈھ گیوار بہ بنت۔ آئی ءَ گوشت کہ اسلام آباد ءِ تاجر برات آناں کانود ءِ نہ بوھگ ءِ سبب ءَ ھرچی کہ جیڈھ درپیش اَنت حکومت ایشاں چہ شری ءَ سرپد اِنت ءُُ دل یکیمی دنت کہ زوت ایشانی ھاترا نوکیں کانود راجی اسمبلی ءُُ سینٹ ءِ کراّ پاس کنگ ءِ کوشست ءَ کنت تانکہ ایشرا اسلام آباد ءَ تالان کنگ بہ بیت۔ اے ھیالانی درشانی آئی ءَ مسلم لیگ نون ٹریڈر زونگ اسلام آبد ءِ صدر شیخ جمشید ءِ داتگیں شپ ءِ شام ءِ ساھت ءَ گشتانک دیان ءَ تران کت۔ آئی ءَ دل یکیمی دات کہ فیڈرل بورڈ آف ریونیو ءِ بابت ءَ تاجر برات آنی جیڈھ آنی گیواری ءِ کوشست کنگ بیت تانکہ آ کاروباری چست ءُُ ایر آنی دیمروئی دیگ ءَ آسراتی ءَ سما بکن اَنت۔ آئی ءَ گوشت کہ برآمد کتگیں جتا جتائیں چیز آنی سبب ءَ کمو کمیگ بوتگ پدا ھم آئی ءَ گوشت کہ حکومت برآمد ءَ را جوانتر کنگ ءِ ھاترا بازیں گامگیج آنی سرءَ کار کنگ ءَ اِنت تانکہ اِزمکاری ءِ رد ءَ دیمروئی دیگ بہ بیت۔
