کراچی۔10دسمبر(اے پی پی) ملکئِ صدر ممنون حسین ئَ گشتگ کہ پاکستان ئِ پدمنتگیں دمگانی تہایکےں نادراھی ئِ بار بار شنگ بوھگئِ سرئَ تکانسری اَست، جانءُ سلامتی ئِ زانت کاراں اے دمگانی تہا جانءُ سلامتی ، کسانیں نادراھی ئِ علاج ءُ چُک ءُ ماتی ئِ جیڑھ ئَ را گرءُ دار کنگئِ ارزانیں وڈءُ پیم ئَ را گیش کنگءُ اے نادراھی آناں گرءُ دار کنگئَ کمک رسیت کنت۔ اے موھئِ سرئَ مزن شاہ دربرجاھ ئِ وائس چانسلر ڈاکٹر محمد طارق رفیع، ڈاکٹر صغریٰ پروین ئَ ھم تران کتگ۔ ملکئِ صدر ئَ سوبمندبوتگیں نودربراناں سند ءُ میڈل ھم داتگ۔ صدرئَ گشتگ کہ پاکستان مرچی یک راج دپتری دورے ئَ اَتکگ اوشتاتگ کہ آئی ئِ یک نیمگے ئَ گوستئِ جوانیں سوبمندی ءُ جیڑھ ءُ دومی نیمگئَ اے وڈیں مزنیں امکانات اَنت کہ راج دپترئِ دیمئَ تاب دات کن اَنت۔ راجی زندگی ئِ اے بھرئِ سرئَ تنا ورناھ اَنت کہ مئے واباں راست کُت کن اَنت۔
