اسلام آباد۔ 10 دسمبر (اے پی پی) وزیر ئِ مملکت اھوالکاری ئُُ شنگ کاری ئُُ راجی مڈی مریم اورنگزیب ئَ گوشت کہ عمران صاحب ئَ مرچی پد ھما واھ ئُُ زاری ئِ ریکارٹ چلائینت، آ وتی نوکری آنی سرئَ وت ئَ را بڈگ ئَ اِنت، بُگش کہ گوستگیں چار سال ئُُ نیم ئِ تہئَ تو چینکاس توان ئِ پراجیکٹس جتگ، بُگش کہ 350کسانیں ڈیم کجا اَنت؟ عمران صاحب راج ئَ را بُگش کہ انصاف بس کجا انت؟ بگش کہ کیساسگری کمیشن ئِ تالا کدئی پچ کن اِتے، عمران صاحب تو گوستگیں چار سال ئَ دروگ بندگ ئُُ زاھ دیگ ئَ ابید چے کتگ، عمران خان صاحب نوں وا اورنج لائن ٹرین ھم سرجم بیت، ترا چے بیت، عمران صاحب وتی بوکیں گشتانک ئِ تہئَ خیبر پختونخوا ئَ وتی حکومت ئِ کرد ئِ بابت ئَ سئے لائن گال بگش ئُُ پیش دار۔ یک شمبے ئِ روچئَ وتی یک بیانے ئِ تہ ئَ آئی ئَ گوشت کہ عمران صاحب چار سال بیت کہ تو دروگ بندگ ئَ دپ نہ دار ات اِنچو کار بکت اِنت گڈا تئی ھلاپ ئَ بنی گالا ئَ جاک ئُُ کوکار نہ بوتگ اَت۔ آئی ئَ گوشت کہ عمران صاحب سرجمیں راج تئی کرپشن، منی لانڈرنگ، جوا ئِ زِرّ ، پارٹی فنڈنگ، پارلیمنٹ ئِ سر ئَ اُرش، پی ٹی وی ئِ سرئَ اُرش ئِ کیس ئِ تہئَ ناشرکاری ئِ گر ئُُ دار ئِ آمید، الیکشن کمیشن ئُُ سپریم کورٹ ئِ نیمگ ئَ چارگ ئَ اِنت۔
