نارووال۔10 دسمبر(اے پی پی )بُنجاھی توکی کارانی وزیر احسن اقبا لئَ گوشت کہ حکومت ئَ لیب آناں نامدار کنگ ئَ ھوار ورنا آنی آسراتی پُجارینگ ئِ ھاترا گامگیج بندات کتگ اَنت، پاکستان یک رند ئِ پد ئَ لیب آنی پڑ ئَ دُگنیا ئِ تہئَ وتی جاھ ئَ جوڑ کنگ ئَ اِنت، کرکٹ ٹیمب ئَ پاکستان ئِ ٹی ٹونٹی چیمپئنز ٹرافی کٹ اِتگ۔ 2013ئَ سروکی گپت گڈا پڑ ھورک ئُُ ھالیگ اَت، اے ھیالانی درشانی آئیئَ ناروال ئَ سپورٹس میلہ ئِ گڈی مراگش ئِ موہ ئَ داد آنی بھر ئُُ بانگ کنگ ئِ ساھت ئَ گشتانک دیگ ئَ ات، آئی ئَ گوشت کہ ناروال ئَ سپورٹس سٹی جوڑ کنگ بوھگ ئَ اِنت، اے وتی رنگ ئِ ایوکیں سپورٹس سٹی بیت، ادا 14 لیب آنی مقابلہ بیت، اے رنگیں آسراتی پاکستان ئِ اچ ضلع ئِ تہئَ نیست ، آئیئَ گوشت کہ توامیں مقابلہ سپورٹس مین سپرٹ ئِ چیر دستی ئَ بوتگ اَنت۔
