ما سیاست محمد نواز شریف ئَ چہ سیکھتگ آئی ئَ اِچبر جندی دیوان آنی تہئَ دِگر ئَ را چِرک نہ کتگ
حکومت ئَ ھاٹیگ ئِ کمیگ ئِ ھلاسی ئُُ اُلس ئِ کوراسی ئَ را بُن گوج کنگ ئِ سوگند سرجم کتگ،
مزن وزیر
مزن وزیر شاہد خاقان عباسی ئِ حویلی بہادر شاہ ئِ ھند ئَ گیس ئَ چہ تچوکیں چارمی پاور پلانٹ ئِ سنگ بنیات ایر کنگ ئِ مراگش ئَ گشتانک
جھنگ ۔ 09 دسمبر (اے پی پی) مزن وزیر شاہد خاقان عباسی ئَ گوشت کہ حکومت ئَ ھاٹیگ ئِ کمیگ ئِ ھلاسی ئُُ اُلس ئِ کوراسی ئَ را بُن در ئَ چہ بُن گوج کنگ ِ سوگند سرجم کتگ، ساپ ئُُ سلہ ئی ئِ گوما جوڑ کتگیں منصوبگ ملکی جوڑیشت ئُُ دیمروئی ئَ ھوار سی پیک ئِ سر ئَ جوانیں رندپد نکش کناں، ھلاپ کنوک بھتام بندگ ئِ مٹ ئَ راستی آں گوں دیم پہ دیم کنان ئَ وتی وتی صوبگ ئَ را راجی دیمروئی ئِ گوما ھمگام بہ کن اَنت، ملک ئَ الائنسز ئُُ ٹیکنوکریٹ حکومت ئِ اِچ ضلورت نیست، حکومت وتی کانودی وھد ئُُ پاس ئَ سرجم کنت، گچین کاری 2018اگست ئَ بنت ایشی ئِ پیسلہ ئَ ھم اُلس ئَ را کنگی ا،نت، وتی کرد ئُُ راجی اِزمت ئِ بنیات ئَ اُلس ئِ توک ئَ روان، ھلاپ کنوک الیکشن ئَ چہ تچگ لوٹاں ، آیوکیں گچین کاری وھد ئُُ پاس ئِ سرئَ کنگی اَنت گڈا پی پی پی ، پی ٹی آئی ئَ ھوار توتامیں سیاسی ئُُ جمہوری گل آناں سینیٹ ئِ تہ ئَ گچین کاری ئِ بل ئِ سر ئَ وتی وتی رایہ دیگ لوٹ ایت، ما سیاست محمد نواز شریف ئَ چہ سیکھتگ آئی ئَ اِچبر جندی دیوان آنی تہئَ دِگر ئَ را چِرک نہ کتگ، 22ماھ ئِ ”دھرنا“ جاک ئُُ کوکار آں ملک ئَ را پُشت ئَ تیلانک داتگ۔ ھرچ منصوبگ ئِ بندات کتگ ایشانی درور 70سال ئِ راجی راجدپتر ئِ تہئَ نہ رسیت، میگاپاور ئُُ ٹرانسپورٹ ئُُ ایندگہ پراجیکٹ نہ ایوک ئَ بندات کتگ اَنت بلکینگ ئَ ایشاناں سرجمیں سیم سر آں تاں سر کتگ، ملک ئَ را وشھالیں ریاست ئِ جوڑ کنگی اِنت گڈا توامیں جمہوری ادارگ آناں وتی کانودی ھد ئُُ ابیل ئِ تہئَ اوشتگ ئُُ وتی کرد پیلو کنگی اِنت، شمبے ئِ روچ ئَ تریمو بیراج جھنگ ئِ نزیک ئَ 1263میگاواٹ ئِ ایل این جی کمبائن سائیکل پنجاپ پاور پلانٹ حویکہ بہادر شاہ جھنگ ئِ بُن ھشت ئِ ایر کنگ ئِ مراگش ئَ گشتانک دیان ئَ کت ۔ آئیئَ گوشت کہ آئی ئَ را سک باز وشی رستگ کہ گیس ئَ چہ تچوکیں چارمی پنجاپ پاور پلانٹ ئِ بُن ھشت ایر کنگ بوت ایشی ئِ اولی بھر 14ماھ ئِ تہئَ سرجم بیت ئُُ 810میگاواٹ توان دنت وھدیکہ 26ماہ ئِ تہئَ دُرستی 1263میگاواٹ توان نیشنل گرڈ ئَ ھوار بیت۔ آئی ئَ گوشت کہ محمد نواز شریف ئَ مئی 2013ئَ گچین کاری ئِ ساھت ئَ اُلس ئَ گوں کتگیں سوگند کہ آ ملک ئَ لوڈ شیڈنگ ئِ کوراسی ئَ چہ آزاتی دنت سرجم کتگ ھمے رنگ ئَ آی ئَ مزن وزیر ئِ گچین بوھگ ئَ پد پنجاپ ءِ بامردیں سر وزیر شہباز شریف ئَ ھوار بُنجاھی کابینہ ئُُ ایندگہ قائمہ کمیٹی ئِ گوما تھنک ٹینک ئِ شور ئُُ سلاھ ئَ چہ توانِ منصوبگ آنی سرئَ کاربندات کنگ ئِ پیسلہ کت، اگاں اے پاور پلانٹ جوڑ مہ بوتیناں گڈا توان ئِ کمیگ پیلو نہ بوتگ اَت۔ آئی ئَ گوشت کہ 18ھژدھمی مٹ ئُُ بدلی ئَ پد مارا دُرستاناں اُلسی اِزمت ئِ منصوبگ جنگی اِنت۔ آئی ئَ سر وزیر پنجاپ ئَ را مبارکی دات ئُُ گوشت کہ آئیئِ ٹیمب ئَ ھوار احد چیمہ وڑیں ورنا ئِ کرد لائک ئِ توسیپی اِنت، آئیئَ گوشت کہ مزن مزنیں اژدھا ھم 10,10سال ئِ منصوبگ سرجم کت نہ کت، بلے مئے ورنا ماھ آنی تہئَ منصوبگ آں سرجم کنگ ئَ اَنت، ایش سرجمیں دُگنیا ئَ ریکاٹ اَنت۔ مزن وزیر ئَ اُمیت سہرا کت کہ ما وتی مشن ئَ سرجمیں سیم سر آں سر کتگ ئُُ آیوکیں اگست ئَ گچین کاری ئَ اُلس پیسلہ کناں ئُُ پیسلہ ئِ طاقت ھم اُلس ئِ کراّ بہ بیت، دگہ اِچ کس ئِ کراّ اِناں۔ مراگش ئَ سر وزیر پنجاپ محمد شہباز ئَ ھم گشتانک دات وھدیکہ مراگش ئَ بُنجاھی وزیر پاور سردار اویس احمد خان لغاری ، وزیر مملکت پاور عابد شیر علی ، وزیر مملکت آپ چوہدری انور جاوید ، صوبائی وزیر منصوبگ بندی ئُُ دیمروئی کار ملک ندیم کامران ، چین ئِ سفیر ژاﺅ جنگ ،جرمنی ئِ سفیر ، سیمینز جرمنی ئِ سی ای او ، سی میک چائینہ ئِ صدر ژان جن ، پنجاب پاور کمپنی ئِ سی ای او ئُُ سیکرٹری ، بُنجاھی وزیر ئُُ پارلیمان ئِ پاسک ئُُ کاروباری ئُُ صنعت کاریں برات آں ھم بھر زوری کت۔
