میاں اوستمانی مالیاتی فنڈ ئِ پوسٹ پروگرام مانیٹرنگ ڈل ئِ تر ئُُ تاب پاکستان، ڈل ئَ وزارت ئِ ھزانگ ئِ کارندہ آں چہ تکنیکی سول ئُُ تران آنی بازیں بھر سرجم کتگ ، سول ئُُ تران ئِ کار ئَ پاکستن ئِ نماھندگی سیکرٹری ھزانگ شاہد محمود وھدیکہ آئی ایم ایف ئِ ڈل ئِ سروکی ئَ ہیرلڈفنگر ئَ کت
سول ئُُ تران ئِ بندات ئِ سرئَ سیکرٹری ھزانگ ئَ آئی ایم اف ئِ ڈل ئَ را ملکی معشیت ئِ سر ئَ سرجمیں بریفنگ دات، وزارت ئِ ھزانگ
پاکستان ئِ معیشت راستیں کشک ئَ گام جنگ ئَ اِنت، سیکرٹری ھزانگ
اسلام آباد ۔ 09 دسمبر (اے پی پی)میاں اوستمانی مالیاتی فنڈ ئِ پوسٹ پروگرام مانیٹرنگ ڈل ئَ وتی تر ئُُ تاب ئِ پاکستان ئِ موہ ئَ وزارت ئِ ھزانگ ئِ کارندہ آنی گوما تکنیکی سول ئُُ تران ئِ بازیں بھر سرجم کتگ ۔ وزارت ئِ ھزانگ ئِ نیمگ ئَ چہ جاڑی بوتگیں بیان ئِ رد ئَ سول ئُُ تران ئِ کار ئَ پاکستان ئِ نماھندگی سیکرٹری ھزانگ شاہد محمود وھدیکہ آئی ایم ایف ئِ ڈل ئِ سروکی ئَ ہیرلڈفنگر ئَ کت۔ تکنیکی سول ئُُ تران ئِ ساھت ئَ میکرواکنامک جاور ھال ، ھاٹیگ ئِ شوبگ ئِ دیمروئی، چاگردی شوبگ ئَ ھوار بازیں شوبگ آنی تہئَ جاڑی بوتگیں دیمروئی پروگرام آنی سرئَ سرجمیں ھیال ریچی کنگ بوت۔سول ئِ تران ئِ بندات ئَ سیکرٹری ھزانگ ئَ آئی ایم ایف ئِ ڈل ئَ را ملکی معشیت ئِ سرئَ سرجمیں بریفنگ دات ئُُ گوشت کہ ملکی معشیت راستیں کشک ئَ گام جنگ ئَ اِنتئُُ اقتصادی نکتہ جوانیں کشک ئَ گام جنگ ئَ اِنت۔ آئی ایم ایف ئِ پوسٹ پروگرام مانیٹرنگ ئِ ڈل باسکیں ملک آنی معشیت ئِ جاور ھال آنی واستہ ھمک سال دیوان برجم دات ایت، اے ھوالگ ئَ وتی رپوٹ فنڈ ئِ بورڈ ئَ را پیش کنت۔ آئی ایم ایف ئِ ڈل ئَ 2013ئَ وتی گڈی تر ئُُ تاب کتگ ئُُ استیں زمانگ ئَ سئے سال ئِ مھتلی ئَ پد کنگ بوتگ۔ انوں ملیک ئَ ایمنی ئِ جاور ھال آنی گہتری بوتگ ئُُ ملک ئِ اقتصادی کرد آنی تہ ئَ گہتری بوتگ ایشی ئَ چہ میاں اوستمانی برات آنی راجی معیشت ئِ سرئَ ودوکیں دل یکیمی شکسائیت۔
