جھنگ ۔ 09 دسمبر (اے پی پی) مزن وزیر شاہد خاقان عباسی ئَ حویلی بہادر شاہ ئِ ھند ئَ اینل این جی ئَ تچوکیں توان پیداک کنگ ئِ منصوبگ آنی بُن ھشت ایرکت۔ شمبے ئِ روچ ئَ جھنگ ئِ نزیک ئَ حویلی بہادر شاہ ئِ ھند ئَ ایل این جی ئِ کمک ئَ 1263میگاواٹ توان پیداک کنگ ئِ منصوبگ آنی بن ھشت ایر کنگ ئِ مراگش بوت، مزن وزیر شاہد خاقان عباسی ئَ سر وزیر پنجاپ محمد شہباز شریف ئِ ھمبراھی ئَ منصوبگ آنی بُن ھشت ایر کت۔ منصوبگ آنی اولی بھر 14ماہ ئِ کسانوکیں وھد ئُُ پاس ئَ سرجم کنگ بیت ایشی ئَ چہ 810میگاواٹ توانئِ پیداکی بیت وھدیکہ 26ماھ ئِ کچ ئُُ کساس ئَ ایل این جی ئَ چہ تچوکیں توان ئِ پیداک کنگ ئِ منصوبگ سرجم کنگ بیت ایشی ئَ چہ 1263میگاواٹ توان ئِ پیداوار رسیت۔
