منصوبگ ئَ چہ ہزارانی مردم آناں روزگار مل اتگ، گیش لکھ آنی موہ پیداک بیت، میاں زاہد حسین
اسلام آباد ۔ 09 دسمبر (اے پی پی) پاکستان بزنس مین اینڈ انٹلیکچولزفور م ئِ صدرمیاں زاہد حسینئَ گوشت کہ چین پاک اقتصادی راہداری ملکی راجدپتر ئِ دُرستاں چہ مستریں دیمروئی منصوبگ اِنت ایشی ئَ چہ راج ئِ کسمت مٹ بیت۔ منصوبگ ئَ چہ ہزارانی مردم آناں روزگار مل ایت ئُُ روزگار ئِ گیش لکھاں موہ پیداک بیت۔ اے ھیالانی درشان آئی ئَ یک بیانے ئِ تہئَ کت۔ میاں زاہد حسین ئَ گوشت کہ چین پاک اقتصادی راہداری منصوبگ ئِ چیر دستی ئَ پاکستان ئَ درملکی سرمایہ کاری بوھگ ئَ انت وھدیکہ حکومت ئَ را وام آنی رد ئَ اربانی کلدار ئِ زرّ رسگ ئَ اِنت، منصوبگ ئِ کامیاتی ئِ واستہ ساپ ئُُ سلہ ئیں ئُُ سرمایہ کار آنی گوما جوانیں یکوئی ضلوری اِنت، آئی ئَ گوشت کہ حکومت ئَ ٹوھیں تک ئَ سی پیک ئِ چیر دستی ئَ برجا کتگیں پنچ توان لوگ آناں ترجی ئی بنیات ئَ بندات ئُُ ایشانی گردشی وام آں چہ رکھینگ ئِ پیسلہ کتگ ایشی ئَ چہ سرمایہ کاری ئِ سرئَ دل یکیمی گیش بیت ایش ملکی دیمروئی ئِ گام آنی ترند کنگ ئَ ضلوری انت۔
