انسپورٹ ءُ مواصلات ءِ پڑ ملک ءِ سماجی ءُ اقتصادی دیمروئی ءِ تہا بنکی کرد پیلو کنگ ءَ اِنت، ڈپٹی چیئرمین پلاننگ کمیشن سرتاج عزیز ءِ سی ڈی ڈبلیو ءِ دیوانءَ گوں تران

اسلام آباد۔08دسمبر(اے پی پی) ڈپٹی چیئرمین پلاننگ کمیشن سرتاج عزیزءَ گشتگ کہ ٹرانسپورٹ ءُ مواصلات ءِ پڑ ملک ءِ سماجی ءُ اقتصادی دیمروئی ءِ تہا بنکی کرد پیلو کنگءَ اِنت۔ آ سی ڈی ڈبلیو ءِ دیوان ءَ گوں تران کنگءَ بوتگ۔ دیوانءِ تہا ٹرانسپورٹ ءُ مواصلات ءِ ھوالگءَ 2۔24ارب کلدار ءِ منصوبہ آنی منظوری دیئگ بوتگ۔ دیوانءِ تہا ریلوے ءِ وزارت ءَ ٹرمینل ءِ آسراتی ءُ ھشک دھکہ آنی اپ گریڈیشن ءِ ھاترءَ 2ارب 36کروڑ95لکھ 60ہزار کلدارءِ منصوبہ پیش کتگ کہ ایشیءِ مولءُ مراد پپری مارشلنگ یارڈ ءُ بادامی باغ ءِ تہا استیں ٹرمینل ءِ اپ گریڈیشن ءُ آئی ءَ را جدید آسراتی پھجارینگ اِنت ءُ آئیءَ ھوار لاہور ءِ مغل پورہ ءُ پشاور ءِ اضاخیل ھشک دھکہ آنی اپ گریڈیشن ھم ھوار اَنت کہ اے ایوانءَ منظور کتگ اَنت۔